ياسلام ياستاذنا المبدع الاستاذ/عادل صموئيل لو فى فديو معمول بالصوت والصورة يشرح برنامج انكور بكل تفاصيله نتمنى منك وانت دايما ابو العطاء
الاخ العزيز اشكرك على ذوقك
هو مشكلة انى اعمل شرح بالصوت والصورة صعبة اوى بالنسبة ليا لأن بتحتاج واحد بيكون مخضرم فى النوعية دى من البرامج وبيعملو وهو مغمض
لكن انكور سهل جدا يعنى انت لو قرأت الشرحين اللى انا عاملهم كويس جدا وابتديت تطبقهم وتسألنى وانا تحت امركم كلم حانوصل ل 100 %
اما عن شريط الادوات ده انت تفتح من قائمة windows فى شريط المهام تطلع لك قائمة رابع كلمة فيها tool bar اضغط عليها يظهر لك شريط الادوات امسكه من طرفه بالماوس وضعه تحت شريط المهام وبعدين من شريط المهام اذهب الى set up اضغط عليها واذهب الى save preferenses عشان لما تقفل البرنامج وتفتحو تانى تلاقى التول بار موجود على طول .. والخاصية دى كل ماتعمل حاجة فى واجهة البرنامج تضغط عليها عشان تحفظ لك التعديلات دى
من شريط الادوات حتلاقى اشكال كل شكل منها بينطق مهمته يعنى مثلا حتلاقى نوارين رؤوسهم على نفس المستوى وده الرباط الزمنى يعنى تظلل اى نغمات عايز تربطها وتضغط على العلامة يربطهم وكمان تلاقى نوارين رؤوسهم مش على نفس المستوى وده الرباط اللحنى يعنى تظلل اى نغمات وتضغط على العلامة دى يتربطوا وفيها كمان علامة للحفظ يعنى يستحسن كل ماتكتب مغمات اعمل حفظ عشان ممكن الكهربا تتقطع فجأة يبقى شغلك كلو موجود اول بأول
وكل اللى قلتو موجود فى الشرح
رجاء اقرا الشرحين تانى وانا مش بزهق من الاسئلة طالما بتيب نتيجة
مع اطيب تحياتى