مين عذبك
كلمات : أمين عزت الهجين
الحان: محمد عبد الوهاب
مقام: راست
1929
******
مين عذبك بتخلصوا مني وذنبي ايه بتعذب فيَ
ليه العواذل حاسديني دول حقهم يبكوا عليَ
انا اللي مهما تعذبني ساكت على الغُلب وصابر
و ان شفت غيري متهني اصبَر القلب الحاير
و امتى بس ح ترحمني هوَ العذاب ده مالوش آخر
ليه العواذل حاسديني دول حقهم يبكوا عليَ
مُش لاقي حد يسليني حتى المنام عزعليَ
و الدمع كان بيواسيني و منين اجيب دمع عنيه
ما دام حبايبي هجروني مين اللي ح يحن عليَ
ليه العواذل حاسديني دول حقهم يبكوا عليَ
يا طيف حبيبي اللي عشقته تعال شوف اللي جرى لي
يكفى العذاب اللي انا شفته و تكفى فرحة عُذالي
و يكفى ليلي اللي سهرته من غير حبيب يبكي لحالي
ليه العواذل حاسديني دول حقهم يبكوا عليَ
*********