[sayed_lv]

استاذى العزيز / عادل باشا صموئيل
شرحك واف جدا للتعامل مع برنامج انكور
و لكن عندى استفسار ربما يتشابه مع استفسار الاستاذ هيثم
و هو ان انا مثلا بكتب نوتة على اكتر من مدرج (2 او 3) و كلهم شغالين طول الاغنيه او النوتة و لكن فى جزء كبير مدرج منهم ساكت يعنى مش هيبقى نغمات خالص فهل يمكن حزف المدرج ده و بعد كده احطه تانى لما يبقى فى شغل عشان يبقى توفير للصفحات بدل ما املاهم سكتات .
انا بستخدم انكور 5 لو حضرتك تحب ارفعه على المنتدى مفيش مشكلة
***************
تحياتى
الأخ العزيز
البرامج الموسيقية كلها فيها حاجات بتتعدل وحاجات بتبقى فى اعداد الملف الجديد ومش ممكن تتعدل ومنها مشكلة انك بتعمل كذا مدرج متصلين ببعض .. دى مش ممكن تتعدل لو حبيت تغير النظام انا بحلها ازاى ؟
لو فى اللحن المقدمة مثلا فيها توزيع يعنى كذا خط لحنى مع بعض وبعد كده بيبقى خط واحد .. بتفتح ملف وتخلى عدد المدرجات المتبطة مع بعض زى ما انت عايز ولما تخلص الجزء ده اقفل الملف واحفظه وافتح ملف جديد وكمل فيه الاغنية وبالطبع انت بعد كده بتطبع الصفحات يعنى لاحظ ان الملف التانى يكون تابع للملف الاول يعنى رقم الصفحات يكون متسلسل مع الملف الاول والعازف لما بيتحط قدامه الورق ببقى مترتب
اما فى حالة ان مثلا عندك 7 صفحات والتوزيع ببقى مش موجود فى تانى وتالت لحد رابع صفحة مثلا هنا بتعمل الملف عادى وبتعمل سكتات وده عادى والدنيا كلها بتعمل كده وبعدين المدرجات المشتركة دى بتبقى فين مع المايسترو فقط يعنى اسمها البارتاتورا وفيها اللحن بالتوزيع بتاعه .. لكن ما الحن الموزع بيتعزف على فرقة البارتاتورا دى بنعمل منها نسخة للمايسترو زى ماهى وبعدين بننقل كل صوت على حده بمعنى مثلا لو ثالت صوت لألة الكمان مثلا بننل الصوت ده لوحده فى ورقة بحيث ان عازف الكمان بيبقى قدامه شغله هو بس مالوش دعوة بالاصوات التانية حاجة تانية لو انت بتتفرج على سيمفونية مثلا بتلاحظ ان المكنجات بتعمل شغل كتير لكن آلات النفخ شغلها قليل اوى بمعنى انه مثلا من الاول بيسكت عدد كبير من الموازير وهنا بيبقى مكتوب فى النوت بتاعته علامة السكوت العرضية ومكتوب فوقها مثلا 76 معناها انو بيسكت 76 مازورة وهنا المايسترو بيكون قدامه البارتاتورا يعنى كل الشغل وقبل ما آلاة النفخ ييجى دورها بمازورة المايسترو بيعمل لو اشارة يحضره وبيدخل مع ايد المايسترو فى مكانه وهكذا لن السيمفونيات بيبقى فيها حاجات زى كده كتير جدا لذلك دور العازف انو عينه على المايسترو والنوتة والمايسترو اقل هفوة منه ممكن يدخل كلو فى بعضه وتحصل حوادث بعكس الموسيقى الشرقية دور المايسترو سلامة الدخو وضبط السرعة فى اول الدخول بعد كده العازف بيشبل نفسه
وصلت المعلومة ؟
مع اطيب تحياتى