اغنيه
دوخيني يالمونه
دوخينى يالمونه
واقطعي عنى المعونة
لفيفينى ….واحدفين
مرجحينى ….وطوحينى
واعصرينى …ح تلاقنى
كل ماده بازيد مرونه
دوخينى يا لمونه
مش ح اطاطى وامد ايدى
مش ح اقول للكلب سيدى
قبل منها كنت عايش
وبعد منها ح اتن عايش
برد طوبه يساوى عندى
لفحة الحر ف بؤونه
دوخينى يالمونه
وامنعى عنى المؤونه
فاكره بيها تجوعينى
مش ح اجوع ولا اذل نفسى
عايزه بيها تركعينى
مش راح اركع لأ... انسى
خير بلادى يكفى حاجتى
وانتى نقبك جه ف شونه
دوخينى يالمونه
شعر : محمد العقاد