[sayed_lv]

المشاركة الأصلية كتبت بواسطة عمرو الهندواى

استاذ سيد المقطوعة جميلة وفيها تطور عن المقطوعات السابقة

1-اقولك الجميل فيها ايه؟ اولاا تجربة جديدة و ذكية وفيها نقلة احترافية شوية
عن المقطوعات السابقة بس دة لا ينفى جمال المقطوعات السابقة اللى انت عملتها

2- عجبنى قوى الاسم بتاع المقطوعة لانه ماشى مع المقطوعة

3- المقطوعة فيها جمل موسيقية كويسة ومش وحشة خالص

4- التوزيع جميل لكن مبالغ فيه شوية

5- فيها انتقال لمقامات زى كرد وحجاز بشكل كويس وعلى فكرة انا مش خبير فى
المقامات بس على حسب ما سمعت يعنى كان فى اجزاء حجاز جميلة

6- الالات المستخدمة كويسة اوى

الاشياء اللى ماعجبتنى فيها

1- التوزيع الاروكسترالى المبالغ فيه وعلى فكرة انا بعشق التوزيع الاروكسترالى لكن انت كان عندك
توزيع زيادة قوى على شكل المقطوعة (حاول تدرس شوية قواعد التوزيع الاروكسترالى لانه له قواعد
واسلوب والالات معينة)

2- الالات الطبل مش قوية ومش بقوة المعزوفة و صوت الكوردات عالى قوى بالذات فى البداية

3-النهاية مش وضحة اومش كاملة او مش صريحة انا حسيت انك فجاة قررت تقول خلاص انا حقفل المقطوعة

المقطوعة بشكل عام حلوة ونقلة جديدة لك بس ادرس شوية قواعد الانتقال من مقام الى اخر وقواعد التاليف والتوزيع
الاوركسترالى ودائما هات وفكر فى جمل احلى وحاول تستخدم برضو مقامات شرقية

واكيد راى استاذ عادل واستاذ الالاتى والدكتور هشام مهم جدا جدا علشان النصحية

كل التحية والتقدير

عزيزى / عمرو بك الهنداوى
يسعدنى و يشرفنى رأيك فى عملى المتواضع
و احب ارد على كل نقطه
1- شكراا جداا على رأيك ده و تشجيعك الجميل ليا
2- انا حاولت بقدر الامكان اعمل الموسيقى على الاسم يعنى جبت الاسم الاول و بعد كده عملت عليه الموسيقى او رسمتها..
3- شكرا برده
4- انا كنت عايز اعمل اركسترا ودى كانت اول محاوله ليه و لازم يطلع فيها اخطاء
5- انا عامل المقام الاساسى حجاز و تقريبا المقطوعه كلها حجاز
6- شكرا جدا و الشكر موصول للاستاذ "احمد الجوادى"


اما بالنسبه للسلبيات:-
1- اكيد له قواعد و اصول بس زى ما قولتلك دى اول محاوله
2- انا تقريبا مش حاطط طبل دا بتزاكاتو كنتراباص و احيانا تمبانى بس
3- النهايه هى ان انا عدت الحزء الاول من المقطوعه بس غيرت اخر مازوره فقط و يمكن ده فعلا يكون عمل قفله سريعه

عالعموم ادينى لسه بتعلم و شكراا جدا على كلامك الجميل ده
**************
تحياتى