[عادل صموئيل]

الأخ العزيز يوسف قاسمى جمال
انا سمعت الحب كله واهل الهوى وطربت جدا جدا مع العلم ان طبيعة حياتى والعمالقة اللى عملت معهم صعب جدا ان بعدهم شىء يطربنى يعنى سمعت التسجيلين من اولا للآخر مع انى عادة بسمع دقيقة ونفسى تتسد
الاداء للفرقة رائع والتوزيع جميل مش مبالغ فيه والكورال اكثر من رائع وهنا لفت نظرى شىء ممكن ناس كتير متاخد بالها منه وهو ان الكورال بيتقن الغناء باللهجة المصرية وده شىء مهم جدا جدا يعنىمهما كان الاداء جيد ولكن عدم اتقان اللهجة بيفسد اللحن
بمعنى انك لما تغنى لبنانى لازم جدا انك تكون تتقدن اللهجة اللبنانية يعنى بييجى عندنا مطربين كتير بيغنوا اغانى شهيرة مصرية ولكن مش بيتقنوا الهجة المصرية فى الغنا ومن هنا اللى بيسمع مش بيطرب ولكن بيتصيد له الاخطاء
وفيه مشكلة خطيرة للناس اللى بتتناول الالحان انهم بيفسدوها وانتم تناولتم الاحلان بطريقة مميزة جميلة
انا لما بسمع بحس كان بليغ بيسمع وعارف هو بيحب ايه ومش بيحب ايه ولوكان بليغ سمعكم لكان صفق لكم جدا وشكركم جدا جدا
اما عن اهلالهوى وتانول هذا اللحن الصعب جدا الرائع يعنى اعجاز وقد ايتموه بمنتهى الروعة
وفى النهاية اقول لك يا بختك بهذه الفرقة انا لو كان عندى مثلها كنت عملت روائع
مع اطيب تحياتى