[حماد مزيد]

طيف كوكب الشرق
في ذكراها

السّتِّ نــورهـــا ما انـْطفى
قاعــدْ يبدد في الظــــــلام

كوكبْ وعمـــرو ما اختفى
يسأل عن الأهــــل الكرام

نادتنـي قالــــــتْ يا صفا
انتـــهْ بتعـرفنــي تمــــام

مصريّة من طبعـــي الوفا
ودْموعي ف ِعْيوني سجام

قلتِِ الْها يا خير مين لفى
أهــــــــلا بطيفك يا مَدام

قالتْ لي في مصر انكفى
الحب ما عادش غــــرام

مــا لُهـشي لا وشّ وْقفا
ولا لُهْشي دعوهْ في الهُيام

قلتِ الْها ميــن اللي اقتفى
أثـَـــركْ وقالـّــــكْ هالكلام

قالتْ لي مِن نوحـــو هفا
قلبــي وخبّرْني الحمـــام

قلتِ الْها صوتِكْ فيــهْ دفا
بكّاني حسّيت فيـــهْ ملام

قالتْ لي رمشــي ما غفا
ما داعب ِ عْيونــي المنام

من ساعـــةِ احْتـَـلّ الجفا
مطرحْ زغاريـــــــدِ الوئام

قلتِ الْها في مصـــر العفا
وِاوْلادْها حامْيين الذمـــام

واليوم ذكـــرى المصطفى
قالتْ لي وعليــــه السلام :

اللي إليـــــهْ ربّي اصطفى
بتنوبْ تِعزّي اهْلو العظام

وْعنـّـــي تِدْعـِــيْ بالشــفا
للمجروحين وسط الزحام

وْكِلمــهْ تِحْمِلـْهـــــا وْكفى
صونو الحمى يا ناس حرام