ميت ألف بوسة وبوســـة *** على جبينك يا عروســــــة
يا ولاد مصر المحروســة *** هاتوا جاوى وبخروهــــا
الشمس عن يمينهـــــــــــا *** والبدر يزين جبينهـــــــــا
دين السماحة دينهـــــــــــا *** هاتوا جاوى وبخروهــــا
قيدوا شمعة ف يوم ميلادها *** وافتكـــــروا عيون ولادها
دم الشهــــــدا ف وريدهــــا *** وروحهـــــــم قدمــوهــا
ثــــــوار والمولى شـــــــاهد *** أحرار بالـــــروح تجــــاهد
وميـــــن يقدر يـــــزايد *** علــــى كل اللى افتـــدوها
العهـــد المــــاضي مـــاضي *** بقى ذكـــرى من الساعة دى
صفحة ف تــــــــاريخ بلادى *** وشبابنـــــا بيمسحـــــــــوها
طـــــول ما ولادك رجــالة *** عــــارفين مخـــزى الرسالة
للفتنـــــــــة ألـــــــف لا لا *** مـــش ممكـــن يقبلـــــــوها
توب المحبة توبهـــــــــــا *** كحل العيون ترابهـــــــــا
هيمان قلبي ف دروبهـــا *** هاتوا جاوى وبخروهـــــا
العــــــزة والكرامـــــــــة *** فوق الجبين علامــــــــة
بـــاقية ليــــــــوم القيامة *** هاتوا جاوى وبخروهــــــا