[بلقيس الجنابي]

يا اعيوني بالحب اذبحنّهْ

الشاعرة بلقيس : إكرام الجنابي
***

ياللي تحس روحــي غلاك
يا عيونــي بالحـب اذبحنّهْ

قلبي الحنـــون اللي شراك
لو جيتني يوم تسألني عنّهْ

من يومـــة الجفــن و رآك
كحلتـــه يا أسمــــر محنـّهْ

ظلّي دوام يجـــــري وراك
كل الدروب مـــــا يحجبنّهْ

جسر المحبــــة اللي دعاك
حِفْيِتْ رجـِـــل بلقيس منّهْ

ياللي نقشت ابروح صفاك
قلبــــي ابتلاويـــن اكتونـّهْ

لو تجتمـع تمحـــي بهــاك
دجلــــه وفرات ما يغسلنّهْ

حط ايدي ف ايـدك يا ملاك
تلقى منـــاك في الكف حنّهْ

الدنيـــا مــــو حلـــوه بلاك
والعيش في قربــــــاك جنّهْ