آآآه ع السد السد العالي
ع السد العالي ع السد العالي
قوم يا الله يا عمي وتعالي يا خالي
الأرض هتصبح بساتين وجناين
والرملة نحيلها عمران ومداين
وزنودنا تطلع مال يملى خزاين
قوم يا الله يا عمي وتعالي يا خالي
ع السد العالي ع السد العالي
دلوقت يا صاحبي نفتحها مصانع
ونقيمها مباني ونشوفها مزارع
نعرف مصالحنا ونشوف النافع
قوم يا الله يا عمي وتعالي يا خالي
ع السد العالي ع السد العالي
طول ما احنا بنسعى الخير هيجينا
والشغل بيكتر ويهل علينا
بإيدينا الخشنة نكسب بإيدينا
قوم يا الله يا عمي وتعالي يا خالي