[رافت المصرى]

يا وطن شد الايدين ع الايدين عدى
يا وطن دوس ع الانين حلم القلوب وردى
جوا عيون الشمس
اسكن ودوس ع اليأس
دوس كل جرح الامس
ادينا حب ادى

كحل عيون اطفال بيحبوا بعض بجد
وجار فى فرح الجار وف جرحه يد ف يد
اطرح سنابل خير تملا البلاد بالخير واغسل بشهد النيل
قلوب ولاد بلدى
يا وطن بكره الجميل بكره البراح بيهل
يا وطن يا سلسبيل طول عمره حضن الكل
خليك لنا عنوان
انسان مع انسان
نبنى سوا الاوطان
ونعيش عشان ندى

___________