[الألآتى]

أحسنت يامحمد

إستنى بس شويه عليا .. ماتستعجلش

إنت بتقول ( كنت اريد ان تكون هذه الاغنية كمرجع للمبتدئين فى تعلم المقامات )

خللى المسألة دى على جنب دلوقتى ..

الفكرة فى حد ذاتها جميلة .. لكن ماذا حدث فى التنفيذ ؟؟

إنت عملت أغنية فيها شوية مقامات .. وخلاص

المسألة ليست بعدد المقامات .. فكثير من أعمال أساتذتنا الملحنين .. بها كم من المقامات لا نستطيع حصره أو الإمساك بتلابيبه

المشكلة بقى ياعم محمد .. إنك حصرت تفكيرك فى تنفيذ فكرتك .. وأهملت الأصول اللحنية ..

أين مقومات الأغنية ؟ .. أين المقدمة الموسيقية .. وأين اللازمات بين الكوبليهات

بلاش ده كله .. مافيش أى تمهيد للمقام الجديد .. إنت بتنقل مباشر

علشان كده .. عملت الحجاز والصبا والبياتى والكرد من النوا .. وكان المفروض إنهم يتعملوا من درجتهم الأصلية ( الدوكاه )

العجم والراست والنوا أثر والحجاز كار .. من درجاتهم الأصلية ( الدو )

عارف ليه ؟

لأنك بدأت الهزام من المى .. فكان طبيعى الترتيب إللى إنت عملته

لو عايز بقى تعمل أغنية كمرجع للمبتدئين .. كنت تعمل كل مقام من درجته الأصلية .. ماهو تعليمى بقى

وكانت العملية دى .. حاتحتاج فواصل موسيقية للإنتقال عبر المقامات بطرق النقل والتحويل المختلفة

الفائدة التى حصلنا عليها من هذه الأغنية

إننا عرفنا إنك عارف مقامات وبتنقل بدون نشاز .. وبتغنى حلو .. ودى عارفينها من الأول

نقول من الأول .. الفكرة حلوة .. لكن التنفيذ محتاج خبرة ودراسة مستفيضه فى علم المقامات

وفى النهاية .. نحن لا نحبطك أو نكسر مجاديفك .. نحن نرشدك لما فيه منفعتك

وليس معنى ذلك أن تتوقف عن محاولاتك .. حاول وجرب .. ونحن هنا نسمع أعمالك وتجاربك