[Hisham Khala]

المشاركة الأصلية كتبت بواسطة الألآتى

إمممممممممم

يادكتور هشام .. ويا كل من يتصدى للمقامات الشرقية بالذات

المقام الشرقى ليس مجرد سلم دياتونى .. نطلع وننزل عليه .. وخلاص

المقام الشرقى طبع وإحساس .. لابد أن نشعر بطبع المقام

إذا كنت تشعر أن البستنكار غريب فى سلمه وإسمه أيضاً

إسمع ( ظلموه ) .. وإسمع أيضاً ( ياللى جمالك عجب ) لمحمد قنديل ..

أنا أيضاً إستغربت إسم المقام .. عندما سمعته لأول مرة

لكن عندما سمعت مالُحن منه .. إيقنت أننى أمام مقام شرقى جميل .. يكفى أنه يجمع بتداخل بين أكثر المقامات شرقية

( السيكا والصبا ) .. ولو كملنا حانلاقى الحجاز كمان .. يعنى سيكا وصبا وحجاز .. عايزين إيه تانى من مقام شرقى

المشكلة بقى .. فى التلحين منه .. لأننا قلنا إن المقام ليس مجرد سلم .. لابد من إظهار طبيعة المقام فى اللحن

الرغى فى الشرقى .. محتاج مواجهة يادكتور .. لابد من خد وهات .. ربنا يقرب البعيد

معلهش يا عم الموسيقيين ، أنا معنديش آلات موسيقية دلوقتي و لا طبلة حتي ، الكمانجة و العود و حتي الاورج في مصر ، كل اللي عندي ميدي كونترولر (أخرص) ، و أنا بألحن بالخيال و أكتب اللي تخيلته و لولا اني باكتب اللي في دماغي ما كنتش عملت ألحان لفترات طويلة ، طبعا لما الواحد يكون في ايده عود ها يعرف يدندن المقام احسن ، لكن انا عندي رغبة و أرادة في سبر أغوار المقامات من فصيلة السيكاه و أنا ها اشتغل علي المستعار و البستة نكار و الجغار (ناسي الاسم).

و البستة نكار لحن عليه الشيخ زكريا احمد "القلب يعشق كل جميل" لحن مختلف تماما عن لحن السنباطي ، و لما سمعت اللحن ما بقتش عارف المقام دا صبا و لا سيكاه و لا ايه بالضبط ، و كذلك اغنية ظالموه ، بس عبد الوهاب واضح في موسيقاه لذلك فهمت اغنية ظالموه …

بالنسبة للمقامات الشرقي هي تتراكوردات متعاقبة (و ليس بالضروري 2 تتراكورد كما في الغربي) و يتم أظهار بعض الاجناس علي بعض النغمات داخل المقام ، و لكن قول أن المقام طريقة و أسلوب و إذا أرتكز المقام علي نغمة أخري (بالرغم من المحافظة علي ابعاد النغمات) يصبح مقام آخر هذا كلام يقال لتعقيد أمثالي و جعلهم في حيرة ، و أنا في مصر قيل لي هذا الكلام ، فقلت عبد الوهاب يرتاح في مقام الهزام و أم كلثوم ترتاح في مقام راحة الأرواح لاختلاف الطبقة الصوتية لكل منهما و عزفت "الورد جميل" من درجة السيكاة و من درجة العراق ، فتم الرد عليا ها نجيب لك عم فلان هو اللي يعرف يشرح لك الفروق ، و طبعا الوقت كان محدود.