"والعشيق هوو الساعي" +"روح تلقى فالك"+"ياولد الطير"+"عاشق ممحون"
من أروع ما غني من المالوف..وهنا نستطيع القول أنها من المالوف "العنابي" لأنها مغناة بكثرة في مدينة عنابة المدينة المالوفية الثانية بعد قسنطينة وللتذكير فهي مدينة حسان العنابي وذيب العياشي وحمدي بناني ولهم مثبتات في المنتدى و آخرون كثر
التسجيل عتيق وجد نادر ولقد قمت برفعه دون تقسيمه
.القصائد التي رفعت هنا رفعت بأصوات مختلفة من قبل كصوت ريمون ليريس ومحمد الطاهر الفرقاني وسيمون تمار وفاتح روانة..
الصورة جميلة جدا من الأربعينات تمثل الكيفية التي تصل بها الفرقة "بالآلة"كما يقال للعرس ونرى حسان عنابي بالكمن يتوسط فرقته..ورحم الله الجميع
-------
و العشيق هوو الساعي
يرتجاو في رياح النصرة يا الفارس
والهوى جابني و ودعي
في بلاد طارشيش خضراء مسيت حابس
والجبال قبلي و الراعي
كان كنت عازم في بكرة
راني فنيت ولاجالت صابرة يا الفارس
واش حال عايشة مربعي؟
واش حالها عايشة الكاعب
ذابل الرمق يا المحانة؟
ترمو خاطري كحل الحادب
ما سقسات عني غضبانة
من غرامها نلت مصايب
من عيون شرود وكهانة.............
----------------------------------------------------
.............
الصبر مليت منو
صبري ياسر عليا
لا تسالو لا تحنو
لا تامنو واش بيا
الساس اللي بنيتو
على جالك يا الخيا
..
روح تلقى فالك يا من تريد بعدي
إشحال لقينا ناس قالو زلتي
محني وغرامي العشق و الولاعة
الهوى ذوقني كيسان المرار
أنا لاتي بهواها طامع مشيت نسعى
كسعيت أنايا والحب مقمر
ما جبرت شي حيلة خدعتني بخدعة
صار بيا رايي نحمل بلى قوة
وصار بيا المكتوب نار الزينة
نقبض في باب الرفيق سامعتني الجواب
قرنت في الولام تهت في قصور الجنة
صرت نحو قداها و عطاني أخبار
وليفتي الزعبالة في نرقب الجواب
وليفتي المسرارة مبرومة النيام
رات عيني عذراء...
--------------------------------------------------
عيون كي خذاوني يا ناس كيف الدبارا؟
من بعد زادو كواوني ما نفعت نتكلم بنار
مالي و صغري فنيتو على جالك يا المسرارة
دخيل نحاسبك يا ولد الطير
راني مريض مهموم كثير
حين توصل لكاملة الزين لي غرامها
اللي جبينها كلرق يشالي
بالله ياولد الطير..أدي بريتي وأمشي لغزالي
إن شاء الله توصل بخير
أدي بريتي وأمشي قاصد
الى عند ولفي زينة الفقد
اللي غرامها راني ننشد
فنيت لا خير عيش يحلالي
نارها ديما توقد في وسط قلبي شعلت نيراني
إن شاء الله توصل بخير
طار الحمام ومشى في بكرة
الى عند ولفي كحل الشفرة
---------------------------------------------------
..........
العشق يقتل بلا شك والصبر على العبد واجب
الماشي ممحون ينفك من عين كحلة وحاجب
عاشق ممحون نارو لهيبة
يفتش على الزين حتى يصيبه
عاشق ممحون بيا ما بيا
سقسي على اللي تعدى عليا
ما تضربني على راسي
وتخرجني على ناسي
على جالك نحمل ونقاسي
أنا خلي ما يسبل فيا
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك