[fadyviolin]

المشاركة الأصلية كتبت بواسطة عادل صموئيل

الأخ العزيز
طبعا اطربتنى ولكن عندى ملحوظات
قد يختلف مع البعض وقد يتفق , والسبب انا عزفت مع كل هؤلاء العمالقة عشرين سنة , يعنى عزفت مع المطرب وعزفت فى حفلات امام الملحن والمطرب , يعنى عزفت امام بليغ وعبد الوهاب والسنباطى وكلهم , وانا لماا اكون عازف فى الفرقة بكون بنفذ المطلوب منى , ولكن لما اعزف فى حفلة امام بليغ لابد ان اعزف طبعا اغنية لبليغ وعبد الوهاب طبعا نفس الكلام يعنى مش معقول حفلة حاضرها عبد الوهاب وعادة بتكون حفلة صغيرة محدودة العدد من المستمعين بيسموها سسهرة خاصة او قعدة بالمصرى , وهنا بيكون التركيز على العازف او اللى بيقدم اى فقرة اكتر الف مرة من ان اعزف فى حقلة فيها جمهور كبير , طبعا انا اتكلمت كتير لأن فيه سبب خطير لما اعزف امام بليغ او عبد الوهاب لازم لما اعزف اغنية اعزفها هو بيحب يسمعهل ازاى من خبرتى السابقة معهم و ولازم كل مرة اتخيل ان معاه حاجتين هدية قيمة لو عجبه العزف , ومسدس مكن العيار الكبير لو لم يعجبه العزف
اخطر حاجة انك لما تعزف لازم تعزف اللحن كما هو , يعنى لو تتخيل احنا كنا بنعمل على اللحن 45 بروفة يعنى كل حرف ممكن يتغير كذا مرة لكن لما تتسجل الاغنية محظور اللعب فى اى حرف من اللحن حتى ام كلثمو نفسها ولا اى عازف , اولا لأن الشعب حافظه حرفيا , يعنى لما تعزف اول الجملة اللى بيسمع بيكون عارف انت رايح على فين مش سكة تانية , يعنى عندك كل الصولو اللى بيكون ادليب بيكون صولو مش تقاسيم , وكلمة صولو يعنى لو عمر خورشيد عزفه فى عشر حفلات لازم يكون هو هو ما يتغيرش لأنه قعد مع بليغ لحد ماضبطوه كده والجمهور حفظه ولو قال حاجة تانية الجمهور يحس انه غلط حتى ام كلثوم نفسها تقلق وممكن تتخانق معاه تقول له انت ضيعت من السلطنة وحصلت كتير امامى , يعنى لفت نظرى فى الايقاع الاول انك عملت عليه حروف من عندك وصولو الجيتار عملت حاجة تانى غير اللى محفوظ بعدين انت غنيت المذهب وجميل جدا بس فى الآخر ليه ماغنيتوش فى مكانه ؟
انا قلت يا بختك على فرقتك الحوة وبالذات طقم الايقاع ياريت عندى زيه لأن الحب كله اصعب اغنية فى الإيقاع
عموما اتمنى يكون كلامى عجبك واتمنى حاجة احلى المرة الجاية انت عزفك رائع واشكرك واكرر اطربتنى
مع اطيب تحياتى

استاذنا الكبير عادل :
شرف كبير لي مرورك بعملي المتواضع و تعقيبك الموضوعي و اشكرك على ملاحظاتك القيمة و لكن بالنسبة لي عندما كنت اقدم معزوفة و لتكن لام كلثوم مثلما نسمعها بالكاسيت كان المستمعين يقولون لي اني لم اقدم لهم شيء جديد لذلك حاولت اسلوب التطريب في المعزوفة مع بعض الاضافات البسيطة مع المحافظة الكاملة على روحية اللحن لانه لا يصح ان اقدم عمل و لا احد يفهم ماذا اعزف و اللحن ليس معروفا ان كان لام كلثوم او لفريد الاطرش ..
و كما بات معلوما في وقتنا هذا ان كنت تقدم اللحن ( نت ) اي كما هو مقرر فالناس تنظر لي على انني ببغاء ( طبعا لاني لست معروفا ) اما اذا قدمته حضرتك استاذي الكريم فالناس سوف تصفق لك لانك من المعروفين و المشهورين لذك انا اقول لك كلامك مظبوط مليون المية و لكن الناس لا تقبل مني عمل ( نت ) الا اذا قمت ببعض التطريب فيه
و مجددا اشكرك كل الشكر على مرورك الكريم و اعجابك بعزفي المتواضع و اسف على التأخير في الرد و شكرا لك و للاستاذ الكبير راعينا الالاتي ابو حسام و تقبلو تحياتي