منتدى سماعي للطرب العربي الأصيل - عرض مشاركة واحدة

**Hisham Khala** · #6 01/08/2011, 15h55

اقتباس:

المشاركة الأصلية كتبت بواسطة الألآتى

كل سنة وأنتم طيبين ..

الأستاذ محمد العقاد .. كلمات جميلة وبسيطة التفعيلة ليسهل ترديدها

ومعانى روحانية تعود بنا لذكريات جميلة .. أهلاً بك فى المبدعون

الدكتور هشام خلف .. اللحن مناسب وخفيف .. والأسلوب الهشامى واضح طبعاً

لا تستطيع أن تنسى الهارمونى والخلفيات الرائعة

لكن لى طلب بسيط ياعم هشام

عايزين ديمو للغناء .. علشان المطربين الغلابة يعرفوا .. البداية والنهاية والإعادات والذى منه

كل سنة و أنت طيب يا أبو حسام و كل سنة و أهل سماعي طيبيين و بخير
أعاد الله هذا الشهر الفضيل عليكم و علينا و علي الأمة العربية بالخير و اليمن و البركات.
الأسلوب الهشامي اللي أنت بتقول عليه نفسي أغيره ، في فترة من الفترات كنت باستخدم العود و القانون و الناي و المقامات اللي فيها أرباع تون و في فترة كنت بأعتمد علي البيانو و مرات أخري كنت بأعتمد علي الوتريات و في مرة عملت اللاتن مع الباص المترحل مع النبر الضعيف (و أنت سميته الايقاع مضفر مع الباص - تسمية معبرة فعلا) و لكن لما اشتغلت في المقدمة الموسيقية بتاعة "ليلي و نهاري" السنباطي لخبط لي عقلي بأسلوبه المتفرد في التلحين ، فأنا أحبو في مدرسة عبد الوهاب و متأثر بأسلوبه الموسيقي في تلحين الموسيقي الغير مصاحبة للغناء وبأعد الموازير و أشوف ميزان كل مازورة و أشوف الأبعاد بين النغمات و أزمان النغمات (التركيبة الإيقاعية) و أشوف حقق شكل التيمة اللي أتعلمتها أم كسر في اللي جابوها ، و لنا نقاش بعد رمضان عن أسلوب هاتين المدرستين.

ديمو الغنا موجود يا حبيبي بصوتي (اللهم ما أحفظنا)

و في إنتظار محمد حسن بصوته الجميل.