غنوة سلام
قد إيه القلب يعشق لوسمع غنوة سلام
قد ايه والغنوة تحلى لو بديــنا بالسلام
قد إيه والروح تمـــــيل
والـنغــــم يطلع جـميل
والوتر يوصــل كلامه
للقلوب صافي وأصيل
قد إيه، بس أقول إيه والا إيه
***
زوّقوك الناس يا دنيا بالكلام عن السلام
والسلام غير الحقيقة والعمل غير الكلام
كلنا نحب السلام
والسلام بيحب مين
السلام بيحب نورا شوفوا نورا تبقى مين
نورا بنت عيونها خضرا زي قلب العاشقين
والخدود وردية خمرا والشفا يف توت وتين
والنهود حرّاس مدينة
بالبنادق سهرا نين
والمدينة ف عصر نورا صوّروها المنشدين
هي جنّة إنسانية للبنية وللبنيين
فيها نهر الحب وافي يسقي كل العطشانين
فيها نور الحب صافي يهدي كل الحيرانين
فيها مطرح للسلام
لو فرش يقدر ينام
فيها كل الناس حبايب فيها كل الناس تمام
يا سلام
***
الربيع يوصــــــل مادام في الوجود نسمة سلام
والزهور تطرح جــــــناين والعبير يرسم حمام
قد إيه، بس أقول إيه والا إيه
كلمات: أحمد فؤاد نجم
ألـحان: سامي دربز
أداء: أسماء بن أحمد