عرض مشاركة واحدة
  #240  
قديم 19/06/2011, 15h35
الصورة الرمزية Islam Eidrisha
Islam Eidrisha Islam Eidrisha غير متصل  
طاقم الإشراف
رقم العضوية:141665
 
تاريخ التسجيل: January 2008
الجنسية: مصري
الإقامة: الاسكندرية
العمر: 51
المشاركات: 1,482
افتراضي رد: الطقاطيق والمونولوجات القديمة مكتوبة وروابط لها

203
ده بأف مين اللي يألس؟
الست حياة صبري
الشيخ سيد درويش

ده بأف مين اللي يألس
على بنت مصر بأنهي وش
النبي يجري يتليس
ما طلع كلامه طز فش
النه النه .. هي هي هي
شغل البكش ده على أختي
مابقاش ينفعنا دلوقتي
المصرية كتر خيرها
في التربية سبقت غيرها
يا سيدي إنت

البنت تفضل محبوسة
قال جوة بيتها يكون أظبط
و اللي يقولوا عليه موسى
يمكن يكون فرعون وازرط
العفو العفو يا سلام
يا سلام يا اخوانا دي العبرة
ماهيش بجوة ولا برة
عمر الحرة ما تبقى عرة
وعمر العرة ما تبقى حرة
ياسيدي إنت

باردون يا افندي بالذمة
إيه بس عيب المصرية؟
الدنيا ضاقت بيك لما
ما تخدش غير افرنجية
إفهم و اعقل يا اهبل
يا اهبل ليه غيرنا يفرقنا؟
ما تخلي زيتنا في دقيقنا
المصرية تبيض وشك
الافرنجية عينها ف قرشك
ياسيدي إنت

هالله هالله يا ست حياة

اللي ما تكتبش وتقرى
الدجالين قالعين عينها
وتو ما تقع البقرة
مالحق ما تكتر سكاكينها
إخيه إخيه إخيه
تفوا ع الجهل ميت تفة
يا الله نكسر وراه شقفة
من تعليمنا أهلنا خايفة
واقعين ليه من قعر القفة
يا سيدي إنت

خليها دي حلقة ف ودنك
من قبل ما تقروا الفاتحة
أول كلام تقوليه لابنك
وطنك ما فيش زيه دحة
م النيل أمبوه حبوه
حبه يا نونو كده أكتر
من بابا وماما والسكر
منه التسه ومنه الممة
واوعك تنسى فرض الأمة
يا جدع انت


الروابط



__________________
لا تُلْقُوا باللؤلُؤ إلى الخنزير, فـإنّـــه لا يصْنـــع بـه شيئـاً
ولا تُعْطُوا الحِكْمةَ مَن لا يُريدها
فإن الحكمةَ أفضلُ من اللؤلؤ, ومن لا يرِيدها أشَرُ من الخنزير

عيسى بن مريم عليه السلام
رد مع اقتباس