[M O H A M E D]

قــنديـــل

في نــاس تغنــــــي للقمــر
و نــاس تغنــــــي للعيــون
و نــاس تغنــــــي للسهـــر
و نــاس تغنـــــي للفنـــون

قنديــل و غنــى لكـــــل ده
قنديــل و غنى لكــــل دول
قنديــل يغني للبشــــــــــــر
قنديل جماله على كل لون

قنديـــل يغنــــــــي للحياة
و الحــب و الخيـر غنوته
مع كــل كلمــة نقول : الله
في غنــــاه بيـرسم بسمته

وطنه و حبيبته و ضحكته
حلمه و حنينــه و نشـوتـه
شــوقه لحبــايبه و غربتـه
م القلـــب دايمـــاً كلمتــــه


هيمـــان و عينـه في السما
مــن روحــه تطلـع غنوته
قنديــل قــوي صــوته انما
تدُوب قلـــوب لــو سمعتـه

النهـــر من شهــده ارتـوى
طرحت غناوي على ضفّته
رق النسيـــم لطيره و حكى
عــــــــن رقــِّـته و حنيـِّــته

راح اشتكــى الليــــل للهوا
من السهــارى مـــع نجمته
و يا نجم عالي قلبـي هوى
و ســلامي عــارف سكـِّـته

أصـــل القلـــوب ليها كـلام
غيــر القلـــوب مـا سمعتـه
ييجـــي القلـــم يكتب سـلام
يغلــــط و تكبـــر غلطـــته

خلــي السلام من غير كلام
خلي اللقــا من غير مـعـــاد
خلي القلــوب تعــرف تبات
و الليـــل يفــــارق دمعتــــه

محمد السلاموني

4-4-2009