الموضوع: الطقاطيق والمونولوجات القديمة مكتوبة وروابط لها
عرض مشاركة واحدة
  #11  
قديم 06/06/2011, 12h51
الصورة الرمزية Islam Eidrisha
Islam Eidrisha Islam Eidrisha غير متصل  
طاقم الإشراف
رقم العضوية:141665
  
تاريخ التسجيل: January 2008
الجنسية: مصري
الإقامة: الاسكندرية
العمر: 51
المشاركات: 1,483
افتراضي رد: الطقاطيق والمونولوجات القديمة مكتوبة وروابط لها
196
لحن الصعايدة
يا ولد عمي يا بوووي
الشيخ سيد درويش

أسطوانات ميشيان
لحن الصعايدة
الشيخ سيد درويش

يا ولد عمي .. يا بوووي
هات البازابورت ويا الله بنا
يا اسماعيل لا الوجت يفوت
غربة إيه دي مصر أولى بنا
بعدها ما بيحلى لنا الجوت
عهد الله وعهد الأنبيا
ما نقوتهاش ولا بالنبوت
هي السمكة تفوت الميا؟!
ده احنا من غير مصر نموت
يا ولد عمي .. يا بوووي

لفينا لما استكفينا
من جرجة لمالطة لمدراس
والله بركة اللي استعفينا
وخلصنا من وجع الراس
كل بلد أفقر م التانية
وحياة سيدك أبو العباس
لولا انت يا مصري في الدنيا
ما كنا نلاجي ولاد ناس
يا ولد عمي .. يا بوووي

ست سنين فايتين أولادنا
دوجنا الويل في أكل العيش
و ادي احنا راجعين لبلادنا
لو حكمت نلبس في الجيش
بعد ما كان الافرنجي بيرمح باه
والمصري بيزحف بشويش
حبة ف حبة بجينا سجوريا
وصاحبنا لا فيش ولا عليش
يا ولد عمي .. يا بوووي


الله لو كانوا الأغنيا
يتلموا ويمضوا لنا شيكات
والنبي تو ما عجدوا النية
تتفرج ع الفوريكات
وتعيش مصر ف عيشة هنية
دولة وتحكم ممتلكات
ما دام في قلوبهم حنية
ع الفجرا تحل البركات
يا ولد عمي .. يا بوووي
يا ولد عمي .. الحجني يا بوووي




الروابط




__________________
لا تُلْقُوا باللؤلُؤ إلى الخنزير, فـإنّـــه لا يصْنـــع بـه شيئـاً
ولا تُعْطُوا الحِكْمةَ مَن لا يُريدها
فإن الحكمةَ أفضلُ من اللؤلؤ, ومن لا يرِيدها أشَرُ من الخنزير

عيسى بن مريم عليه السلام
رد مع اقتباس