الموضوع: ليه؟
عرض مشاركة واحدة
  #17  
قديم 06/06/2011, 08h39
الصورة الرمزية Tarek Elemary
Tarek Elemary Tarek Elemary غير متصل  
مواطن من سماعي
رقم العضوية:260181
  
تاريخ التسجيل: July 2008
الجنسية: مصرية
الإقامة: مصر
العمر: 59
المشاركات: 1,294
افتراضي أنا و عيونك الحلوين
أنا و عيونك الحلوين
مابينَّا كلام
حوار صامت بنظرة عين
و دنيا عايشة ف الأحلام
و واحة و ضفتين راحة
و قصة عشق بصراحة
باجيلها هروب من الأيام
و نظرة ساعات بتبقى سؤال
و نظرة تجدد الآمال
و نظرة كمان بتبقى سلام
و أنا شعبك و أنا الجمهور
و أنا المسجون بدون ولا سور
و إنت رموشك الحكام
و لسة عيونك الحلوين
ماليها كلام
ولمَّا بابص فى عيونك
بالاقى الهم راح منى
و ييجى النن فى الننى
أتوه من فرط أشواقى
مابين شطين من الحلام
و رمشك مرسى يحضنِّى
وراه روضة من الألوان
بتعزف أجمل الألحان
و أنا ف بحرك
يادوب قارب
لا لاقى ليل و لا مغارب
و لافى نجوم ولا كواكب
و لا شمسك ف يوم بتغيب
و لا الأيام بتتعاقب
و أنا هايمان ف بحر الشوق
يا ريت كل اللى حب يدوق
جمال الحب و شعوره
و يبدر ع الوجود نوره
و أرج تانى لعيونك
ألاقى عنيا فيك دايبين
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
رد مع اقتباس