[صبره ابو حسن]

المشاركة الأصلية كتبت بواسطة صبره ابو حسن

الميدان
ــــــــ

الشمس طالعه ع الميدان
مع صوت أدان
وجنب منه صوت جرس
مصر الامانه والامين ..
مليون حرس
لما الهتاف اصبح صلا
يهد حصن اللى افترى
والظلم صوته جاه خرس
......................
الحلم جوه فى الميدان
كان من زمان
مزروع وعايز يرتوى
والساقيه محتاجه لشهيد
والشهيد محتاج لعيد
الشهيد محتاج فرح
والفرح محتاج ميدان
والميدان محتاج أدان
والادان جنبه جرس
الامل راكب فرس
جايب لمصر شهيد
جايب لها الحنه
شفتوش كدى ايمان
احمد مع حنا
بيصلوا فى الميدان
...................
الشبر جوه فى الميدان
زايد على فدان
طارح امل بكره
من الدلتا لحد اسوان
ده مهرجان ولا
ثوره على الطغيان
...................
يا بلدنا هدى الخطى
وحافظى على رموزك
يمكن فى لحظه الم
ساعه الندا نعوزك
دم الشهيد اغلى
من كنز فيروزك

عزيزى الاستاذ طارق
شكرا على تنويهاتك انا كتبت هذه الكلمات التى لا ترقى الى الشعر وانما هى من فيض ابداعاتكم الراقيه ارجو السماح والمغفره لدخولى محرابكم المقدس واشكر لك كلماتك الرقيقه