[بو بشار]

البارحه عيني جزت عن رقادى
فن سامرى
كلمات خالد جاسر العياف
الحان عوض دوخى



البارحه عيني جزت عن رقادي
واقضيت طول الليل يا ناس سهران
شي ٍ طرى في البال حرك فؤادي
الله يصبرني على كل ما كان

من حر مابي صرت العي وانادي
كني حمام ٍ ناح من فوق الأغصان
على وليف ٍ كان يرعى ودادي
كنت انا وياه في الحب فرحان

واليوم اشوفه طاع عني الأعادي
صد وجفا والقلب في هم واحزان
من غاب عني الزين والفكر غادي
ذقت من الهجران اشكال والوان.