[كويتى]

زهيريات : عبدالرحمن الضويحى ( يرحمه الله )




13- زمــــان به طرب


زمانٍ به طرب ولّى و ذاك العصر ماهو راد
و تواريخ انطوت لا شك ما ترجع لـ مداها
زمان الفن و المغنى به الفنان خيل طراد
لـ كل فنٍ ترى أسياد و كل عاقل تمعناها
ترى الفن القديم اللي انسمع أبداً فلا ينعاد
يـ كود تعود السيول السريعة بـ عكس مجراها
ترى الفن القديم بـ واد و الفن الجديد بـ واد
و قديم الصوف يا مشكاي كلٍ قال معناها
و لا كل من ركب شداد فارس مثل بن شدّاد
و لا كل من مسك كانه يعرف شلون مجراها
ترى فينا الغلط من دق طبل انقولّه استاد
و كل جاهل انشقحه ثم نقول شلون سوّاها
ترى الفن الحقيقي موهبة من زامن الأجداد
ترى هي موهبة و يا بخت من لمها و نمّاها.