[سمعجى]

المشاركة الأصلية كتبت بواسطة abuzahda

أمَّا يا عمّي كمال لو شُفتني و انا بقرأ كلامك ده

كنت ناديت على جيم و شلتوني مرابعة

عمّال ابص على المشاركة و اتخيلها "فردة تمانيات - رقبة الحُصان" ، فاكرها ؟

أيوة بالظبط كانت كده لون المشاركة
الدمُّور لبيض عليه الختم لزرق

إيييييه ، الله يرحمك يا ابو زبيبة و بايب
،

أنا كمان كركرت من الضحك ، لكن قلبت معايا بكحة ......
روح يا شيخ إلهي ربنا يكفيك شر "أبو العمايل"
و لاّ اقولك ...

روح ياشيخ ، نادي على جيم جمالنا ، خللي القعدة تِحلوْ

حامُوت و اصنّفك يا عمي سيد ،،
لكنكَ " بَشَريٌ فوق التصنيف "

إنت كنت بتلعب في الفردة التمنيات !

إحنا بأة غلابة ،، تبع " كوم السّمن "
التي يُضربُ لها أكباد الإبِل ،، و انت و حظك ،،

و ألف رحمة و نور على بطل الحرب و السلام
كانت أيامه تشبِه أيام الفاطميين في مصر
" قبل الشِّدة المُستنصريّة "

أيامها كان الشِعب بيفطر " كُمبوت أناناس" ،،
و بيضرَب أنفاس في " عُرض الطريق "

بالمناسبة السعيدة دي ،،

- أما أصغّر الخط شوية

كنت بالعب في النت من كام يوم ،، لقيت نفسي بالصدفة داخل موقِع ، فيه ماسورة ضاربة مُزز كندي مِن فصيلة الأخت نيكول كيدمان و كاترين زيتا جونز

قلت ف عقل بالي : يا بختك يا سيّد ،، بتصطبح و تتمسَّى بوشوش طازة مزهزهة ، و الدّم بيـّْ " بُكّ " من وجناتها ،، بصراحة كدا يا عمنا ، سرحت بخيالي " المريض أحياناً " ،، و قلت يا سنة سُوخة لو حصلت مظاهرات في تورونتو و لاَّ أوتاوا ،، و امتطت الأكتافَ تلك المُزز اللاتي يرتدينَ " الميني جيب " ! ،، لكن من سوء حظ أصحاب الخيالات المريضة ، إن عندكو في كندا ما فيش فساد و لا قمع ،،
و لاَّ يكونشي فيه و انا مش داري ؟!ّ .. النبي تطمني عشان أعمل حِسابي يعني

أما عن رفيق الكفاح " جيم " ، أىّ " عصفور طاير " ، فلو حَضَر " الحضرة الزكية " دي ،، هايشيلونا انا و انت و هو و العبقرينو صلاح علاّم و محمد ابو مندور " مِخامسة " ع البُوكس بتاع مكافحة التحرّش

بوكس ! ،، تصدق بالله .. الشعب الدمنهوري وِلّع في كل البوكسات بتاعة الداخلية