ثورة ثورة ثورة ثورة
مش هاتخدعها المناورة
و لا الدهاء السياسى
و التفاوض و المحاورة
ثورة ثورة ثورة ثورة
يا بلدنا الله غالب
هانحقق كل المطالب
هانعليكى تانى عالية
فوق الرايات المجاورة
ثورة ثورة ثورة ثورة
مش هانهدم فيكى طوبة
يا كعبة كل العروبة
يا اللى رضعتينا حبك
و التعاون و المشاورة
ثورة ثورة ثورة ثورة
يا شباب وسط الميدان
مصر تستاهل كمان
عمرنا و الدم يرخص
لاجل يغطى فيها عورة
ثورة ثورة ثورة ثورة
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس