[عفاف سليمان]

المشاركة الأصلية كتبت بواسطة الباشاقمرزمان

يا ست عفاف

يظهر كلام الست أم مدحت جه ع الوجيعة
وباين عليكي شاربة من نفس الكاس طينـة
قوليلها وفهميها اعمل ايه وما باليد حيلــــة
ليه بتنسى عيال اخواتها لما عملوا فضيحة
ورشقوا راس البواب عوضين ف الصفيحة
وعالية بنت جارتنا الطيبة الست سميحـــــة
لما وقعوها على راسها من فوق المرجيحـة
واختها سبت الجارة وسمعتها ياريت شتيمة
لكن كلام متنقي وملافظ ياربي قبيــــــــــحة
ما تقوليش ياختى كانت متربية في زريبـة
وجوز جارتنا كان حيبيتها في التخشيبـــة
وسكت وسكت وحطيت على بؤي تلجيمـــة
وقلت ايه ذنبها ومالهاش ذنب ولا جريـرة

وانت ناسى لما جم
عيال اخواتك
وهاتك يا لعب وضرب فى
العيال وهاتك
وم البلاكونه رشوا الميه
على اللى رايحه واللى جايه
ومهندس راجع من شغله
حمولو بدلته بالميه
وبعد ما هديّنا الناس شويه
وقلتلهم حقكم عليه
جينا وقت العصريه
وناس رايحه ومصليه
ع الجامع مستعديه
وعيال اختك قفلوا عليهم
من بره الجامع وسابوهم
والناس يا حرام خلصوا الصلاه
عايزين يخرجوا يا ولداه
اللى وراه مشوار اتأخر
واللى ع الغدى راح يتعشى
واللى القطر فاته من ساعه
واللى كتب كتابه اتلغى
لما البوابه اتقفلت عليهم
من عمايل ولاد اختك فيهم
واخيرا فتن عليهم
ابن خالهم الواد عوضين
وجرينا وجبنا المفاتيح
وناس فينا كانت هطيح
لولا ستر ربنا علينا
واللى صلوا جيرانا
وحوالينا
كنا بتنا فى التخشيبه
وتيجى وتقول الحال من بعضه
يا خبر ابيض وزى بعضه
عيال اخواتك دول شياطين
يتفات لهم بلاد والطين
وان كان كده موافقين
خلاص خلوها للحاكمين
يحكموا علينا وعليك
ونشوف مين فيهم الغلطان
ولاد اختك واخوك
ويا الجيران
ولا ولاد اختى كمان
ههههههههههههه
والله يا استاذ مصطفى
العمليه باظت خالص
ربنا ييسر ونكملها بخير وسلام
ارق تحياتى
لك وغاليتى
الست ام مدحت
والجميع وكل من يشارك
وكل ما يقرأ ويشاهد
ارق تحياتى
اختكم عفاف