66
أوعى تكلمني بابا جاي ورايا
الست عزيزة المصرية
كلمات : يونس القاضي
لحن الشيخ : زكريا أحمد
أوعى تكلمني بابا جاي ورايا
ياخد باله مني ويزعل ويايا
فاهم .. أوعى تكلمني
يا روحي يا ست عزيزة
باردون يا عزيزي بابا راجل قاسي
على أبسط حاجة يجرح إحساسي
يا سلام لو شافني وياك وعرفني
كان يعمل غارة ويلم الحارة
بس ابعد عني ما توقفش معايا
واوعى تكلمني أهو جاي ورايا
أحسن لنا نهرب ونقوم بلطافة
قبل ما يلمحنا دي عنيه شوافة
خايفة لا يمسكنا وبعدين يهبشنا
واسمح لي أقول لك أختك خوافة
بس ابعد عني ما توقفش معايا
أوعى تكلمني أهو جاي ورايا
فيها إيه لو شوفته بالذوق وعرفته
وعرفت اصحابه وطويت معرفته
يمكن لو شافك ترضيه أوصافك
وان هوش حبة اقبل تهويشته
بس ابعد عني ما توقفش معايا
أوعى تكلمني أهو جاي ورايا
يا روحي يا ست عزيزة يا مصرية
ابعت لنا نينتك تبلف لنا نينتي
وان كان علي مهري أنا اجيب لك صيغتي
وابدلها بقشرة ولا حدش يدري
و نعيش في هناوة عيشة برلنتي
بس ابعد عني ما توقفش معايا