[ليلى ابو مدين]

المشاركة الأصلية كتبت بواسطة ام مدحت

ياحبيبى يوم ماعرفتنى

من غير مؤاخذه خطفتنى

م الفرحه لمّا خطبتنى

نوّرت عمرى ودنيتى

,,,,

بنيت لى عش من الخيال

ورّيتنى كلّ الدنيا عال

خلـّيتنى اجيب دستة عيال

وهربت روحت لضرّتى

,,,,

انا فاكره من يوم السّبوع

شايفه عنيك بدات تزوغ

عمرى ما افكـّر فى الرجوع

لو حتى كان على جسّتى

,,,,

لمّا ابتديت تسهر كتير

وانا من خيابتى عليك باغير

ر صّيت عيالك ع السّرير

وطلعت أشكى لعمّتى

,,,,

مين اللى حايأثـّر عليك

واروح لحدّه واشتكيك

لا ضرب عاد بيقرّ فيك

واحسن لى أوفـّر كلمتى

,,,,,

ماعادش فيه عندى جلد

هاتولى مأذون البلد

يدّّينى بنتى والولد

وارجع لابويا ووالدتى

المشاركة الأصلية كتبت بواسطة الباشاقمرزمان

انت لسة فاكرة يـــــــوم خطبتك

ليلتها ماتت عيشــــــــــــة عمتك
وانتحرت شاديـــــــــــة صاحبتك
والنجفـة وقعت على راس جدتك

******

اه ع النســــــــوان يوم السبوع
مزغللين ومضوين زي الشموع
متبهرجين بالتواليت والعــــــدل
حاجة كدة تـــــــــــــــــرد الروح

******

شفتي الســـــت العايقة المغندرة
والا التانية القشطـــــــة المنورة
وانت خارجة م المطبخ بالمريلة
ودايما مبهدلة وشكلك مكعــورة

*****
قوليلي أبوكي وامك ذنبهم ايـــه
ترجعليهم ف ايدك البنت والولـد
ده ذنبك انت لازم تتحمليـــــــــه

وتتربطي جنبيهم زي الوتــــــــد

أخي الأستاذ/ مصطفى(الباشا قمرزمان)
أختي الست /أم مدحت
أسعدكم الله بكل خير
بما أن الأمور وصلت الى هذا الحد من طلب المأذون وخراب
البيت ,فقد وجدت أنه من المهم واللازم الآن التدخل ومحاولة الصلح ,ولذلك كتبت هذه الكلمات يمكن تهدّي النفوس ويرجع الزوجين الى صوابهم.
لا لا لا لا لا
دي حاجة بقت فيها إستـــــــــــحالة
كده وصلتم لباب مســـــــــــــــــدود
والحالة صعبة مفيهاش قـــــــــــوالة
عايزين تجيبوا مـــــــــــــــأذون البلد
وتهدوا البيت وتشـــــــــــــردوا الولد
ماتعقلوا شوية وبــــــــــــــلاش العِند
متولعوش بأيديكم النــــــار حواليكم
لا تندموا ومحدش هايسئل فيـــــــكم
يا جماعة بـــــــــــــلاش بقى معاندة
وإتصـــــــــالحوا علشان الأمور تهدا
وإلعنوا أبو الشيطان وعمـــــــــــايله
دا ناوي على الخــــــــــراب وجرايره
متزودوش الخصـــام وبطلوا مناهدة
وإفتكروا مع بعض لحظــاتكم الحلوة
ولا تنسوش أيام جميلة لكــــم باقية
وبلاش تقلبوا في المــــــــــواجع دية
وخليكم في الحب وسنينه اللي جاية
وعيشوا أحلى لياليكم بالحب والحنية
دا الصلح خير واللي قابلينا قالـوها
يلا بقى إتصـــالحوا وإخلصوا النية
.....الصلح خير.....
ليلى ابو مدين