[ام مدحت]

ياحبيبى يوم ماعرفتنى

من غير مؤاخذه خطفتنى

م الفرحه لمّا خطبتنى

نوّرت عمرى ودنيتى

,,,,

بنيت لى عش من الخيال

ورّيتنى كلّ الدنيا عال

خلـّيتنى اجيب دستة عيال

وهربت روحت لضرّتى

,,,,

انا فاكره من يوم السّبوع

شايفه عنيك بدات تزوغ

عمرى ما افكـّر فى الرجوع

لو حتى كان على جسّتى

,,,,

لمّا ابتديت تسهر كتير

وانا من خيابتى عليك باغير

ر صّيت عيالك ع السّرير

وطلعت أشكى لعمّتى

,,,,

مين اللى حايأثـّر عليك

واروح لحدّه واشتكيك

لا ضرب عاد بيقرّ فيك

واحسن لى أوفـّر كلمتى

,,,,,

ماعادش فيه عندى جلد

هاتولى مأذون البلد

يدّّينى بنتى والولد

وارجع لابويا ووالدتى