صحيح دنيا و مالها أمان
تفرحنا ساعات و سنين
بتسقينا العذاب ألوان
و لما نعيش و نتآلف
تفجر بالفراق بركان
صحيح الموت علينا حق
لكن قلبى بخبركوا إنشق
و ده حاله إذا يعشق
يكون فى مودته إنسان
فراقك يا سمير مؤلم
بكيتك و الإله يعلم
و نور المنتدى يظلم
إذا ما لقيتش ليك عنوان
و تبقى السلوى فى الذكرى
و كام كلمة و كام فكرة
لكن موعدنا فى الآخرة
هانتقابل لدى الرحمن
هانتقابل ... لدى الرحمن
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس