[ياسمين الشام]

المشاركة الأصلية كتبت بواسطة عادل صموئيل

اخوتى الأحباء
اشكركم على ردودكم الجميلة
وحبيت اقدم لكم جزء تانى من عزفى ( يعنى بعد نكبة اعدام قسم المبدعون كان لليا فيه اكتر من 100 معزوفة من اللى قلبكم يحبهم ) انا حبيت اقدم هنا اى شىء اقدر اقدمه وبالذات للأخوة الاحباء الجدد فى المنتدى واللى مكانوش معانا السنة الماضية , انا اقدم لكم هنا الكوبليه الثانى من فكرونى اتمنى انه يعجبكم وانا ابتديت اغير فى تقنية التسجيل عندى بس المشكلة ان الملفات فى التقنية الجديدة حجمها كبير يعنى مش قادر آخد راحتى فى التسجيل , بمعنى انى كنت زمان بسجل على mp3 متواضعة جدا بس كان فيها ميزة ان الساعة ويف من تسجيلها كانت بتطلع 8 ميجا , وده كان بيريحنى لأنى متخصص فى الأغانى العملاقة يعنى انا عزفت بمفردى تقريبا كل اغانى ام كلثوم العملاقة من اول حرف لآخر حرف وبعزف براحتى يعنى بعيد وكده , لكن التقنية الحديثة انى اصبحت اسجل على الكمبيوتر والفضل يرجع لخى العزيز المايسترو محمد الآلاتى الذى اهدانى ميكروفون صنعه هو بعبقريته , بس المشكلة اللى بتواجهنى هو كبر حجم الملفات وانا بحاول ان شاء الله اضغطها بدون تقليل الجودة يعنى انا ابتديت كانت ال 15 دقيقة عزف = 15 ميجا مساحة ودى كبيرة جدا طبعاً لأنى بخاف على سعة السيرفر ( يعنى انتم عارفين ان كلنا بنحمل فى المرفقات يعنى سيرفر المنتدى بيشيل كل ده وانا توصلت من شوية الى ان اجعل ال 15 دقيقة عزف 6 ميجاوده لحد دلوقتى يعتبر انجاز لأه نفس الجودة اتمنى تعجبكم وحاتسمعوا كمنجتى المرة دى بشكل جديد
واشكر كل من رد على معزوفتى السابقة مع اطيب تحياتى
ملحوظة : انا جربت اسمعها على المنتدى لقيت سرعتها عالية جدا مش عارف ليه لكن جربت ونزلتها لقيت سرعتها طبيعية يعنى ممكن اللى يحب يسمعها يتكرم وينزلها على جهازه وآسف جدا للعيب اللى انا مش عارف سببه ده

معزوفة فكروني المقطع الثاني جميلة جدا يا أستاذي انا سمعتها كانت ابطئ قليلا من اللحن الاصلي لذالك كان الأحساس فيها أكبر هناك مقطع جميل لبعيد عنك قبل ما تغني افتكرلي لحظة حلوة لو تتكرم وتعزف لنا المقطع ودامك الله لهذا المنتدى
ياسمين
الأخت العزيزة ياسمين الشام
اشكرك على حسن ذوقك , يعنى جميل ان الشباب يتعلم السمع بإحساس عالى لأغانى وموسيقى زمن الفن الجميل , يعنى من مميزات تلك الاغانى ان ممكن العازف يعطيها جزء من احساسه , انا لما اعزفها مع الفرقة ومع ام كلثوم اكون متقيد بسرعة الفرقة والإيقاعات وصوت ام كلثوم , اما لما اعزفها مع نفسى احاول ان اعطى الإنطباع انى وحدى هنا اكفى لذلك بطء السرعة يعطيكم الاحساس بالغوص داخل النغمات وتذوقها , يعنى عشان مفيش معى ايقاع ولا فرقة ترد على لابد من تنفيذ اللحن بطريقة بحيث ان المستمع ما يحس ان فيه عناصر ناقصة , اما بعيد عنك ان شاء الله قريبا وطبعا التشجيع هو الذى يحث الانسان على الابداع والمزيد مع اطيب تحياتى عادل صموئيل