[أحمد شوبكى]

المشاركة الأصلية كتبت بواسطة abuzahda

مين يشتري مني

جوز الحمام بني

طعمته من قلبي

وسقيته م النني

أنيْ الحمام غيّة

يلزم له حنيّة

لو شوفته بأسية

لكان شرد مني

واندم واقول حظي

وغيري بيه محظي

يادنيا ماتلاحظي

طيري مجنني

إزاي ابيع طيري ؟

ويلوف عليه غيري

عدلت انا سيري

ما هبيعه إكمني

إكمني م الغيرة

هـقـَـفِــّل السيرة

ولاعمري ابيع طيرة

جناحها بيشلني

كراكيب سيد أبو زهدة

هنا

مش عارف إيه اللي جرجرني وخلاني أكتب رد مع إني مليش في حكاية الردود دي ،،، بس يا أخي أنا أي حاجة فيها ريحة مصر وشعب مصر و ( خصوصية مصر ) بتشدني وتجيبني على ملا وشي
والكلام ده طبعاً ميطلعشي إلا من قلب وعقل مصري أصيل ودانه ووجدانه متشبعين بتراثنا الشعبي الأصيل ( يمكن حكاية التراث الشعبي دي هية اللى شدتني - الله أعلم - ما حضرتك عارف بقى الكار بيحكم ) بس والله كل حرف بتكتبه يا عم سيد بيشدني وبيعجبني وبيدخل الدماغ فوراً وبعد مروره على الدماغ والجمجمة علطول بيعشش فى القلب للأبد

تحياتي يا أشعر شعراء المهجر