اقتباس:
المشاركة الأصلية كتبت بواسطة محمود العيادى
الله ينور ياعم مصطفي قلتلك قبل كده و من تاني هيه دي اله الابو و يمكن الاله دي اشتهرت في مصر ارتباطا بعبد الحليم حافظ و هو يمكن من اشهر عازفيها لكن زي ما قلت قبل كده هيه من عائله الالات الخشبيه في الاوركيسترو اختها الكلارنيت و هي الاله المنتشره في مصر لان بيتم استخدامه في العزف الشرقي السيكا يعني عن طريق نفخ الهواء في الريشه و تعليق الغمزات ( فتحات الهواء ) و ده برضه يرجع لشطاره العازف و يمكن من اشهر عازفي الكلارنيت في الموسيقي المصريه العازف عطيه سلامه و الد الفنانين فاروق و جمال سلامه و مذيعه التليفزيون ميرفت و كمان و الد مطر ب من الرواد في الغناء للاطفال طلعت عطيه و هو من اوائل مطربي الاطفال و لم ياخذ حقه اعلاميا و ايضا من اشهر عازفي الكلارنيت واحد موجود حاليا ربنا يديله الصحه في المنصوره اسمه رياض عبد الرازق و ده حكايه و مالوش حل تتصور بيعمل تقاسيم كلها ربع تون و من الطريف ان الاله منتشره بشكل كبير في الريف المصري في فرق الزفاف النحاسيه ( حسب الله ) و يطلق علي العازف البريمو او الاسطي و كفايه كده بس خلاص و تحياتي .
|
ما شاء الله عليك يا أستاذ محمود العيادي ....... إيه الجمال ده .... كلامك صحيح مية المية وفعلا طلعت عطية لم يأخذ حقه مثل كثير من الفنانين لاحترامه لذاته وخلقه الرفيع .... بس مشاركة مميزة فعلاً .... وياريت تبدأ الموضوع الذي أشرت إلأيه فهو موضوع رائع فعلا .... تحياتي يا صديقي العزيز
اقتباس:
المشاركة الأصلية كتبت بواسطة محمد العمر
الشرف لي ياحسن باشا
ممنون
أخي الفاضل مصطفى
تعقيباَ على كلام أخي الفاضل محمود العيادي
فهي كما تفضل آلة الأوبوا
بلد المنشاء فرنسا
وأجابةَ على هذا السوؤال (طب الآلة دي سهلة لكن ما مدى أهميتها بالنسبة لباقي الآلات الموسيقية؟)
هذه الآلة لايتأثر صوتها بدرجة الحرارة لذلك تستخدم كمرجع لدوزان بقية الآلات وتحديداَ في الأوركسترا.
تحياتي |
اخي الكريم محمد العمر
كمان كلامك صحيح وفعلا هذا ما عنيته من أهمية هذه الآلة لباقي الآلات في الأوركسترا وقبل ما أقول واكمل مشاركتي أحب أن أحييك وأخي محمود العيادي على تواجدكم الجميل والمشرق في هذا الموضوع والذي أثيرتموه بمعلومات قيمة .....
يا معلمي فيه أسطوات على كيف كيفك كلامهم ملفوف في حرير اوعى تسيبهم يروحوا ورشة تانية الله يخليك
الأوبوا
آلة موسيقية نفخية اخترعت في القرن السابع عشر على يد الموسيقيين الفرنسيين جان هوتيتر و ميشيل فيلودور ، اللذين قاما بتعديل آلة موسيقية قديمة اسمها شاوم قصبتها أغلظ و صوتها أعلى ، و كانت نتيجة التعديل هي آلة الأوبوا
و اعتباراً من عام 1700 دخلت الأوبوا إلى جميع فرق الأوركسترا و أصبحت آلة رئيسية فيها
لا يتأثر صوت الأوبوا بدرجة الحرارة لذلك يمكن استخدامها كمرجع لدوزان بقية الآلات في الأوركسترا
تصنع الأوبوا من الخشب و طولها أقل من 60 سم و يبلغ مجالها الصوتي حوالي الأوكتافين و نصف .
ويارب ما يطلع حد ويسأل يعني ايه دوزان أحسن أخويا أبو حسام يزعل لأنه قالها وشرحها قبل كدة