[QUOTE=abuzahda;478122]
هو بالعافيّة .... الرد ؟
،
[/QUOTE]
لا والله أنا ما قصدتش ده يا أستاذى أبو زهده أبدا أنا بس قصدت إن حركة الشعر العامى بطيئه فى الردود وأنا محتاج الرد علشان أكون أحسن دايما صح ولا أيه ؟؟
ليس في قصيدتك من الشِعر ، إلاّ :
(((أبيعلك حياتى وأقول مشتريكى )))
إرتحت يا عم ؟!
[/QUOTE]
هات الرد يا باشا
بس ؟؟
و علشان اريّحَك أكتر ، أحب اقول لحضرتك:
لولا البيت ده ، ما كنتش شُفت و لا وردة في مشاركتي دي
( يعني وردتين للدقهليّة و وردتين لكاتِب بيتالشِعر)
[/QUOTE]
مش كنا اتفقنا هنا على عدم الإستعجال يا أخي موهبتك أصيلة ، ليه تهدرها في الإستسهال ؟
يعني حد يبقى معاه فكرة "عتاب الوطن" و يعرضها بصور ملساء كده ، زي ما انت عملت ؟
[/QUOTE]
أه فعلا فى النص ده إتفقنا على ده
ما أنا لو مكتبتش يمكن أموت
أخوك الصغير يا أستاذنا يتخنق لو مكتبش
موهبتك بتفيض عليك بـ "أفكار" يغير منها أجدعها شاعِر .....
بس انت مش واخد بالك منها
،
[/QUOTE]
نفسى والله أبقى أحسن لكن هبقى ازاى من غير ما حد يرشدنى بالله عليك
بُص يا عم علي ، الموهبةهديّة من الوهاب ، و ربنا بيحب العبد الشكور ....
و سيّد الشُكر ، صيانة الهديّة ..... لا الفرح بها ، فقط
و الموهبة ُ ، بذرة يُلقيها الواهِب في طينتنا ، فإن سقيناها ، إهتزت وربَت و أنبتت من كلِ زوجٍ بهيج ،
أعِيذك بالله ، يا علي ، من الظمأ
و كما بعلمك ، يا عم علي ، فإن ماءَالشِعرِ : قراءة الصحيحِ ، منهُ
تتعافى به البذرة ، و تربو ، ثم تنفلق عن إبداع حقيقي تقرأهُ القلوب و تطرب له الأرواح
فاهِم يا علي ؟
[/QUOTE]
فاهم
يعني تخلّي القراءة ، ضرورة حياتيّة ، زي الأكل و الشرب و الرَوْشَنة
و لما يكون فرحك بحفظقصيدة من صحيح الشِعر ، يفوق فرحك بكتابةقصيدة ،
تبقى وصلت يا معلم
لو بتتخنق من قراية الشِعر الفصيح ، سِيبك من المُعلقات ،
و نفـَّض للمتنبي !
هل يستقيم لحنك ، و أنتَ تـُغني قبل أن تستمع لـ
أسيادنا :
إبن عروس و بيرم و بديع خيري و فؤاد حداد و صلاح جاهين و احمد فؤاد نجم و سيد حجاب و الأبنودي و مجدي نجيب و نجيب سرور ، و غيرهم
[/QUOTE]
فعلا كلام حضرتك تمام
،
و لو مالكش روح للمذاكرة ، سيبك من بحور الخليل ،
(بس من غير ما تنفض للأوزان زي ما عملت في "و بس إمتى تمطري")
قراءتك للجماعةدول بتمعن ، هتظبط الإيقاع
و بعدين اللي ياخد بالـُه من سر تتابع الأيات الكريمة في سورة الرعدالمباركة ،
يبقى خد الهديّة( الموهبة ، يا علي ... إنت نسيت؟)