[الألآتى]

المشاركة الأصلية كتبت بواسطة مينا لبيب

عزيزى ابو حسام
اعتذر عن التاخير

اليك الاجابة عن استفساراتك
اولا بخصوص ميديول الاوركسترا سيلفر: كل ما عليك هو ان تقوم بتسطيبة مرة اخرى على الجهاز وبعدها تتبع خطوات تحميل الميديول والتى قمت بشرحها فى المحاضرات وستجدة يظهر عندك انشاء الله

أممممم .. إحنا يظهر أيامنا طويلة مع بعض يامينا

أضع السؤال .. وترد عليه بعد خمس ست أيام .. مش حانخلص

كده إنت مش عايزنا نتعلم حاجة يامعلم .. المهم

أنا سطبت المديول أكتر من مرة .. وبرضه مش عارف اشغله على السونار

لكن مايجراش حاجة .. أسطبه تانى وأشوف وربنا يخليك للغلابه

المشاركة الأصلية كتبت بواسطة مينا لبيب

ثانيا:
بخصوص حرق تراك الميدى وتحويلة الى WAVE ففى هذا الاصدار من السونار توجد خاصية اسهل بكثير من تسجيلة كتراك اوديو واليك الخطوات ببساطة لانتاج WAVE من الميدى:

اولا قم بجعل التراك المراد تحويلة الى solo وذلك بالضغط على ايقونة S الموجودة بالتراك كما شرحت سابقا والمسؤولة عن سماع التراك على حدى دون باقى تراكات المشروع

ثانيا ادخل الى قائمة FILE حتى تصل الى EXPORT وبعدها اضغط على AUDIO , وسيقوم البرنامج اوتوماتيكيا بتحويل هذا التراك والذى قمت انت باختيارة الى WAVE وسيقوم بحفظة فى المكان الذى تحددة لة.

وانا موجود لاى استفسار

تحياتى
مينا لبيب

موزع موسيقى

شوف ياسيدى

أنا عملت الخطوات بالظبط .. لكن يظهر إنى فقرى ولازم تطلع عنيا لغاية لما تظبط معايا الطريقة

ضغطت على زر Solo وبعدها File ثم Export ثم Audio

إدانى رسالة بتقول .. إنى ماخترتش تراك Audio

طيب مانا عارف إنى ماخترتش تراك أوديو .. يادى النيلة

شوف يامينا

أنا فاكر .. لما كنت بشتغل على السونار زمان .. كنت أختار تراك الميدى .. وبعدين أفتح قائمة Edit

ومنها أختار Bounce To Clip وبعدها أختار Bounce To Track

بعدها .. ألاقى تراك الميدى إتنسخ فى تراك أوديو جديد .. وأعمل ده فى كل تراك ميدى ..

وأقدر بعدها أحفظ زى مانا عاوز .. ياريت توضح لى الطريقة دى

وشد حيلك معانا شوية ..أحسن بالطريقة دى مش حانخلص