[سيد الموجى]

النيل وفى

الأرض يا با بكر طرّاحة
والنيل بيروى الأرض بالراحة
ازرعها قمح تجود وتطرح قوت
وبلاش كدا نزرعها يا با بيوت
دا النيل وفى وبلدنا فلاحة
****
الأرض يا با كنز سره كبير
مع كل ضربة فاس بتطرح خير
قطر الندى يندى خضارعودها
تتقل سنابلها ونحصدها
ونغنى طول الليل فى الساحة
****
لولا السواقى فى الغيطان بتدور
من فين نجيب يا با خزين الدور
دى النية خير والعزم فى ايدينا
والأرض لو نديها تدينا
من بعد ما يطول التعب راحة
****
يا اهل البلد خلوا الغيطان خَضرا
وتعالوا نبنى بيوتنا فى الصحرا
نخلق فى رمل الصحرا وادى جديد
يكبرمع الأيام وخيره يزيد
وبلدنا تصبح كلها واحة !