[مينا لبيب]

المشاركة الأصلية كتبت بواسطة سامى امين

انا شفت سوليست معاة اورج كورج بس حديث جدا الراجل بيغنى وبيعزف بعض حاجات لكن حسيت ان الاورج متسجل علية اغلب موسيقى الاغنية اللى بيغنيها مش عارف ان كنت صح ولا غلط يا ريت تقولى رئيك وكمان تقولى لو انا اتشطرت فى برنامج سونار ممكن اسجل علية اغنية ذى دارت الايام او اغنية الف ليلة قصدى ياعنى الاغانى اللى ايقاعها بيتغير كتير وانت شغال شكرا يا مينا

عزيزى سامى
فعلا فى انواع من الاورجات دلوقتى تقدر تسجل عليها لغاية 16 تراك باصوات الات مختلفة كانك بتوزع عليه موسيقى بالظبط: زى الكورج والكيترون والياماها والرولاند . فبالتالى يقدر الشخص يوزع اللحن اللى هو عايزة ويسجلة على الاورج وبعدين يشغلة ويغنى علية كانة عامل اسطوانة توزيع موسيقى
لكن التوزيع على البرامج الموسيقية بيكون اكثر دقة واكثر امكانيات من التوزيع على الاورج ,

وطبعا برنامج السونار تقدر تدخل علية اى انواع ايقاعات انت عايزها فى نفس اللحن الواحد سواء مقسوم او ملفوف او مصمودى او وحدة كبيرة ....الخ

تحياتى
مينا لبيب

موزع موسيقى