[elazf]

اخواني فى المنتدي

أحب أوضح بعض النقاط لمن لا يعرف

انا كنت أول واحد نزلت في المنتدي تسجيلات للسمسمية السويسي .... و الناس عرفت من خلال ما قمت بتنزيله من هم عيد الجنايني وبكر حسن وسيد عبدالسلام و موسي احمد موسي وسمير قطوعي و سيد كامل و محمد فرج و سمير الغرباوي وغيرهم من فناني السمسمية بالسويس .

نشرت العديد من الصور للفنانين السوايسه وحكيت عن تاريخ البعض منهم و دورهم فى مشوار السمسمية السويسيه .

احنا فى غارب بنحب السمسمية السويسي و أرجو من الأخوة السوايسيه يسألوا بكر حسن او عيد الجنايني أو السيد عبدالسلام أو سيد كامل احسن جمهور متذوق للسمسمية موجود فين ؟؟؟ ... واحسن ناس بتفهم فى السلك قابلوها فين ؟؟؟؟ وليه كل الفنانين السوايسه فى تسجيلاتهم بيبعتوا تحيه لغارب وأهل غارب و باقي مدن البحر الأحمر ( الغردقة - سفاجا - القصير ) ؟؟؟؟؟ .



يا ريت كل المهتم بالسمسمية يسمع تسجيلات الفنان السويسي كرم ابوالليل مع موسي أحمد موسي لما بيغني بالك مع مين يا شاغلني وأغنية يا حادي العيس ... واسمعوا نفس الفنان لما يغني ادلع يا كايدهم .....
اسمعوا واحكموا وشوفوا الفرق ........

الشكر موصول لكل من ساهم فى اثراء الموضوع بالردود او برفع اغاني ( صوت او فيديو ) و لكل عشاق السمسمية الف تحيه .