[الألآتى]

بسم الله نبدأ فى تحليل أغنية ( ياليل دق الهوى بابى )

كلمات : فتحى قورة

ألحان : أحمد صدقى

غناء : شادية

لحن صدقاوى إن صح التعبير .. أسلوب عمنا أحمد صدقى واضح كل الوضوح فى العمل ..

إختياره للبياتى وإيقاع الواحدة الكبيرة كان موفقاً لأبعد حد ..

مقدمة موسيقية كلاسيكية من البياتى .. نعزفها الفرقة بكاملها .. دون صولوهات ..

تغنى شادية من البياتى أيضاً حتى نهاية المذهب

ويردد الكورس نفس المذهب ..

لازمة موسيقية من الحجاز كار .. وتغنى شادية ( قالولى عن الهوى خاين ماصدقتش ) من الحجاز كار أيضاً

ومنه للبياتى عند ( وقال للعين .. ياعين إصحى ) لتنهى الكوبليه

لازمة موسيقية من النهاوند .. وتغنى شادية ( ماجاش توبه على قدى .. ولا هنانى بحبيبى ) من النهاوند

وتنتقل للحجاز كار عند ( وبدل ليلى بنهارى وتاهت جنتى فى نارى ) ومنه للبياتى لتنهى الكوبليه ..

لازمة موسيقية جديدة من الكورديللى ( كرد الدو ) وتغنى شادية ( ياليل الصبر فين أخرك .. وفين أملى إللى صحانى )

وتعود للحجاز كار عند ( سنين من عمرى محسوبة ) ومنها للبياتى لتنهى الكوبليه والأغنية ..

عمل من أعمال شادية الدسمة .. التى تظهر إمكانيات شادية الحقيقية كمطربة

أرجو أن أكون وُفقت فى هذا التحليل المتواضع