[عبدالهادي برا]

من اخوكم عبدالهادي برا
من أغانيها وألحان الشيخ زكريا أحمد
القطن فتّح
1942
مقام صبا
كلمات : أحمد رامي
ألحان : زكريا أحمد
القطن فتح هنا البال
والرزق جه وصفالنا البال
اجمعوا خيره مالناش غيره
يغني البلد ويهني الحال
ابيض منور على عوده
يحيي الأمل عند وجوده
جل اللي بيديه ويعيده
ويغير الحال بعد الحال
كانت له يوم شنه ورنه
عمر بيوتنا وصهللنا
يارب يحيي لنا أملنا
وتخلي مصر في اسعد حال
ياللي سهرت الليل ترعاه
وفضلت تروي وتستناه
آن الأوان والرزق اهو جاء
يارب جود واسعد دي الحال
هنا الاغنية
http://www.sama3y.net/forum/showpost...1&postcount=11
يا فرحة الأحباب
1942
كلمات : أحمد رامي
ألحان : زكريا أحمد
يا فرحة الأحباب بالإنس لما طاب
حبيت أقدم للأحباب
أجمل هدية في يوم العيد
رحت اقطف الورد الجذاب
اللي يكون في الحسن فريد
من كل صحبه قالت لي ورده
خذني أهني ف يوم العيد
فضلنا نحسب في الأيام
والشوق يطول ع ألمستني
لما وفينا ومر العام
جينا نبارك ونهني
وف كل مهجة من الفرح بهجة
فيها الدليل على انس العيد
فاتت سنة في هنا ونعيم
وتحققت فيها الأحلام
يارب خلي النعمة تدوم
تروق لنا وتحلى الأيام
ويعود صفانا ساعة لقانا
نتهنى ثاني بيوم العيد
يا هنانا باجتماع الشمل ثاني
لما تتحقق لنا كل الظنون
يومها يتبسم لنا ثغر الأماني
والقلوب تفرح وتتهنى العيون
ويعود صفانا ساعة لقانا
نتهنى ثاني بيوم العيد
هنا الاغنية
http://www.sama3y.net/forum/showpost...0&postcount=38
أنا في انتظارك
1955
مقام حجاز كار
كلمات : بيرم التونسي
ألحان : زكريا أحمد
انا في انتظارك خليت
ناري في ضلوعي وحطيت
ايدي على خدي وعديت
بالثانية غيابك ولا جيت
يا ريت يا ريتني عمري ما حبيت
عايزه اعرف لا تكون غضبان
أو شاغل قلبك انسان
خليتني من يأسي أقول
الغيبة دي غيبة على طول
واتفكر إيه اللي جنيت
من ذنب يسيئك ما لقيت
يا ريتني عمري ما حبيت
اتقلب على جمر النار
واتشرد ويا الأفكار
النسمة أحسبها خطاك
والهمسة أحسبها لقاك
على كده أصبحت وأمسيت
وشافوني وقالوا اتجنيت
يا ريتني عمري ما حبيت
توعدني بسنين وايام
وتجيني بحجج وكلام
وتسلم وتمر قوام
او تخلف وتقول لي نسيت
يا ريتني عمري ما حبيت
هنا الاغنية
http://www.sama3y.net/forum/showpost...79&postcount=3
الاهات
1943
مقام هزام
كلمات : بيرم التونسي
ألحان : زكريا احمد
أه من لقاك فى أول يوم ونظرتك لي بعنيك
خاصم عيوني ليلتها النوم وبت اسأل روحي عليك
يا هل ترى راح يعطف على فؤاد متلهف
تقول لي روحي آه
واقول لقلبي يا قلبي حبه يعادل حبي
يقول لى قلبي آه
وارجع واسأل عقلي هوه الزمان حيروق لي
آه آه آه
العقل يا ربي ضايع ومتبدد
والقلب فى جنبي يسكت ويتنهد
آه من لقاك فى أول يوم ومن رجايا ومن حبي آه
وآه لما بلغت آمالي وفرحت بك والجو صفالي
ومليت كاساتك وسقيتها لي
آه من حلاوتها آه من قساوتها
اشرب إيدي كاس يرويني واشرب بإيدك كاس يكويني
بات السرور كله بينى وبينك متقسم
والزهر ويانا ينظر لنا ويتبسم
والطير يغني لي والموج يقول وياه آه
يادي النعيم اللي وجدناه واللي دخلنه آه
وآه لما منعت ودادك والانس ده اتبدل ببعادك
غالطت حسادي وحسادك
اصبر واتظاهر بالفرح والبهجة
والصبر فى الظاهر والمر فى المهجة
تعالي شوف الطير اهو نام من قبل وقت النوم فى ظلام
واتبدل الزهر البسام لا عطر ينعش ولا أنغام
دا الانس كان انت والانسجام انت
والزهر كان انت والابتسام انت
ما احسبش دا كله فى يوم يضيع مني
واجرى ورا ظله اللي ابتعد عني
ما تقول لى فين انت
آه يا للي اسست وهديت آه يا للي عمرت واخليت
آه يا للي اضحكت وابكيت آه من رضاك وصدودك آه
هنا الاغنية
http://www.sama3y.net/forum/showpost...51&postcount=1
حبيبي يسعد أوقاته
1949
مقام بياتي
كلمات : بيرم التونسي
ألحان : زكريا أحمد
حبيبي يسعد أوقاته ع الجمال سلطان
في نظرته وابتساماته فرحتك يا زمان
ولما يخطر بقوامه تسعد الألحان
احلف بحبه وغرامه اصدق الأيمان
عمر الخيال ما يجبش مثال
لجمال وكمال زي حبيبي
جعلت في القلب مكانه بس لو يكفيه
يسمع ضروبه وألحانه والمخبي فيه
في القلب ياما حي يلاقي كل ما يرضيه
ويشوف ولوعي وأشواقي والمخبي فيه
وابلغ ونول كل المأمول
دايما على طول وأنت حبيبي
زي القمر قبل ظهوره يحسبوا المواعيد
زي القمر يبعث نوره من بعيد لبعيد
زي القمر بس جماله كل يوم يزداد
وكل ما يهل هلاله تنعاد الأعياد
والليلة عيد ع الدنيا سعيد
عز وتمجيد لك يا حبيبي
هنا الاغنية
http://www.sama3y.net/forum/showpost...56&postcount=1
اهل الهوى
1944
مقام نهاوند
كلمات : بيرم التونسي
ألحان : زكريا أحمد
أهل الهوى يا ليل فاتوا مضاجعهم
واتجمعوا يا ليل صحبه وأنا معهم
يطولوك يا ليل ويقصروك يا ليل
يطولوك يا ليل من اللي بيهم
وانت يا ليل بس اللى عالم بيهم
فيهم كسير القلب والمتألم
واللي كتم شكواه ولم يتكلم
واللي قعد بعد الحبايب وحده
وبات حزين يشكي هيامه ووجده
يشكو ولا مخلوق سمع شكواهم
إلا الكواكب فى السما سمعاهم
يطولوك يا ليل بالسهد والأفكار
والشمس بعد الليل يطلع عليهم نهار
وبعد طول الويل تعود لهم ياليل
ويقصروك ياليل فى صحبه هنيه
على وتر رنان فى الصبحية
فيهم ياليل خل عطف على خله
ويقوله لحن الشوق وخله يقول له
ويقصروك ياليل على هنا وسرور
والشمس بعد الليل يطلع عليهم نور
ويسألوك ياليل امتى تعود ياليل
ناس من قلوبهم تقول ياليل
وناس على الأرغول تقول ياليل
واحنا معانا بدر طالع فى ليلة قدر
فيها حبيب القلب وافا ووفى الندر
هو يقول ياليل واحنا نقول ياليل
وكلنا بنقول ياليل أهل الهوى ياليل
هنا الاغنية
http://www.sama3y.net/forum/showpost...36&postcount=2
الأولة في الغرام
1944
مقام حجاز
كلمات : بيرم التونسي
ألحان : زكريا أحمد
الأولــة في الــغرام والحب شــــــبكوني
والثانية بالامـتثال والصــــبر أمروني
والثالثة من غير معاد راحوا و فاتــوني
الأولة في الغرام و الحب شــــــبكوني
بنظرة عين
و الثانية بالامتثال و الصــــبر أمروني
و أجيبه منين
و الثالثة من غير معاد راحوا و فاتوني
قولوالي فين
الأولــة في الــغرام والحب شــــــبكوني
بنـــــظرة عين قادت لهــــــــــيبي
والثانية بالامـتثال والصــــبر أمروني
و أجـــــــيبه منين احــــتار طبيبي
والثالثة من غير معاد راحوا و فاتــوني
قولوالي فــــــين ســــــــافر حبيبي
ســـافر في يوم ما واعدني على الوصال و عاهدني
وكــان وصــــاله وداع من بعد طــــول امـــــتناع
حطيت على القلب ايدي و انـــــــــا بودع وحــيدي
و أقول يا عين اسعفيني وابكي و بالدمـــــع جودي
من يوم ما سافر حبيبي و انا بداوي جروحي
اتاري في يوم وداعه ودعت قلبي و روحي
طالت عليّ اللـــيالي وانت يا روحــــي انت
لا قلت لي فين مكانك ولا حــــــترجع لي امتى
الأولة في الغرام و الحب شــــــبكوني
بنظرة عين
و الثانية بالامتثال و الصــــبر أمروني
و أجيبه منين
و الثالثة من غير معاد راحوا و فاتوني
قولوالي فين
الأولة نار وقادت و الســـــــبب نــظرة
والــثانية ما طلت غير الصبر و الحســـرة
والثالثة انا اللّي جرى لي عمره ما يـجرى
سافر حبيبي
هنا الاغنية
http://www.sama3y.net/forum/showpost...3&postcount=11
جمال الدنيا
1947
مقام شوري
كلمات : أحمد رامي
ألحان : زكريا أحمد
جمال الدنيا يحلا لي وان ويّاك
وساعة القرب تهنى لي مادمت معاك
يا ما احلا الفسحة في المينا وموج البحر حوالينا
يميل فينا على المينا ؟؟ يهنيني وانا وياك
دي ساعة القرب تهنى لي مادمت معاك
هويت الحسن طول عمري وطيفه كان نديم فكري
يا ريتني كنت من بدري رأيت الحسن ده ويّاك
دي ساعة القرب تهنى لي مادمت معاك
شاهدت الدنيا دي وحدي وحّبيتها على قدّي
لكن مقدارها زاد عندي وحليت لي وانا ويّاك
دي ساعة القرب تهنى لي مادمت معاك
يا ريت كل اللي هنّا لي من الدنيا ومنى لي
تشوفه عينيه من ثاني يا نور العين وانا وياك
دي ساعة القرب تهنى لي مادمت معاك
نعيم قربك سحر عقلي وخلا البحر يضحك لي
وخلا الليل بينده لي يغني لي وانا وياك
دي ساعة القرب تهنى لي مادمت معاك
هنا الاغنية
http://www.sama3y.net/forum/showpost...76&postcount=5
حلم
1946
مقاو سوزناك
كلمات : بيرم التونسي
ألحان : زكريا أحمد
حبيب قلبي وافاني في ميعاده ونوّل بعد ما طول بعاده
حبيب قلبي قابلني وهو متبســـــم وطمني على وصله
وقــال لي بعد ما ســــــــــلّم كـــلام القلب يرقص له
بقى يقول لي وأنا أقول له وخلصنا الكلام كله
يقول لي قلبي بودك أقــــــول لــه قلبي أنا أكثر
يقول لي اد إيه حبّك أقـــول له فوق ما تتصور
وأقول له خايف لتنساني يقول لي مستحيل اقدر
بقى يقول لي وأنا أقول له وخلّصنا الكلام كله
قريب وبعيد وبقينا نـقول ونعيد بعينينا
عيون لعيون تتكلم بسر القلب وتترجم
وروح مع روح تتجانس
وأيد على أيد بتســـلم
بتسلم ســـــــلام مشتاق
نســــينا الدنيا ولهينا في هوانا وطرنا وعلينا
لا عواذل واقفة حوالينا ولا ذنب يتعدى علينا
سكوت وسكون وإيه حيكون
ما فيش غير النجوم تضوي ولا غير القمر ناظر
ولا غير الغصون تهمس ولا غير النســـيم عابر
وأنا في دي النعيم هايم
لقيت منام وحلم وراح مع الأحلام
ياريته دام ودام نـــومي كده أعوام
وأنا وهو في دي النشوة
نعيش في ســــــلام ولو في منام
هنا الاغنية
http://www.sama3y.net/forum/showpost...97&postcount=1
نصرة قويّة
1947
مقام راست
كلمات : بيرم التونسي
ألحان : زكريا أحمد
نصرة قوية وفرحة هنية
وألف سلامه وألف سلام
نصرة قويه يديمه عليّ
وعلى أحبابنا اللي حواليه
هما هنايا وضي عنيه
اللي صفولي مع الأيام
فرحة هنية المولى نصرنا
وهنى الكل جزاة ما صبرنا
أحبابنا فرحت وفرحنا
فرح ما كلن يخطر في منام
ألف سلامة رحنا وجينا
ربنا سايل ستره علينا
ولي يكون المولى نصيره
عمره ما يغلب ولا ينضام
هنا الاغنية
http://www.sama3y.net/forum/showpost...57&postcount=5
الأمل
1946
مقام راست
كلمات : بيرم التونسي
ألحان : زكريا أحمد
الأمل لولاه علي كنت في حبك ضحية
بالأمل أسهر ليالي في الخيال وابني علالي
وأجعلك فيها نديمي وأملكك ليلي ويومي
ولو أطول اللي باقول يبقى المنى
انا لو أطول اللي باقوله يبقى المنى
ولو يكون وهم وظنون
برضك أنا عندي أمل
من زمان طال انتظاري واحتمل ولا أنت داري
نار بعادك واصطباري كل ده علشان عينيك
ياما حطيت في الجوانح كل قول قاسي وجارح
اسمعه واصفح واسامح والحنان يزداد إليك
وانا لو يدوب قلبي ما اتوب عن دا الهوى
ولو قاسيت ..مهما قاسيت
برضك أنا عندي أمل
يا شبيه البدر وحده في ارتفاع برجه وسعده
يشبهك هو ف جمالك وانت في نوره وبعده
ما التقيتش إليك وسيلة غير سكوتي وانتظارك
واعمل إيه ما بيدي حيلة في انكساري واقتدارك
وأنا لو اروح ...عمري أنوح
دا محتمل
ولا أعيش من غير أمل
لكن أنا عندي أمل
هنا الاغنية
http://www.sama3y.net/forum/showpost...98&postcount=3