[ام مدحت]

(معنى الصوم)

منولوج

ياللى الشهر يمثل عندك

حبّة لعب وأكل ونوم

ليه بتخللىّ الحظ يعاندك

مانتاش فاهم معنى الصوم

,,,,

شمّر ايدك شدّ الحيل

اوعاك تنسى قيام الليل

لمّا الدنيا علينا تميل

يبقى علاجنا الصلا والصوم

,,,

شايفك ليه قاعد حيران

وانت هدايتك فى القرآن

والتراويح فى ليالى رمضان

اصحى يانايم صحىّ النوم

,,,,

واملى القلب ندم وخشوع

ماتحسّش بعطش أو جوع

وابعد ع اللىّ صبح ممنوع

قول للسانك خفّ تعوم

,,,,

صوم بجوارحك صوم من قلبك

خللىّ الناس تتهنى بقربك

لمّا تقرّب يوم من ربّك

تلقى الجوّ مافيهش غيوم

,,,,,

كلّ الخير حايكون قدّامك

لمّا تشقـّر على أرحامك

والحسنات بتسلىّ صيامك

والنفحات تنزل بالكوم

,,,,,