الليلة الثالثة
يا رب أنا راجى غفرانك
و قلبى لرحمتك ملهوف
تعبت كتير بعصيانك
و على بابك ورايا صفوف
بتترجاك عشان تتقبل التوبة
و بتعاهدك ... آخر نوبة
و مش هاتعود لنسيانك
ورع منها و مش م الخوف
إلهى بس مين غيرك؟
يتوب على عبده و يسامح
وأنا عبدك أنا أسيرك
دموع عينى من إمبارح
بتغسل ذنبى ... تترجاك
و أنا قلبى ... ف هواك سارح
وأمله يادوب يفوز برضاك
إلهى لموردك جينا
دعاء التوبة قبلينا
بحق القدر و القرآن
و ليل رمضان
تسامحنا و ترضينا
و تقبلنا مع عبادك
و تشفى المرضى منينا
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس