حبايبي منظومه بالعاميه المصريه على الله تعجبكم
صوره ساكته
صوره ساكته متزوقه بيها الحيطان
صوره ساكته
لا قادره تحكي عاللي كان
ولا هيه حاسه
هو ده اللي فاضللي منك
والدموع تسألني عنك
هو فين نبع الحنان
راح وسابنا من زمان
يا ترى حنشوفه تاني
يا ترى حنقول أغاني
والا كل سنين هنانا
كان سراب ملهوش أمان
…
حزين يا عشنا الخالي
لا ناسينا ولا سالي
هنا ضحكنا هنا بكينا
هنا لعبنا وغنينا
هنا سامع صدى صوته
بيحرمني من النسيان
…
ده اللي سابهولي زماني
بعد حضنك والأماني
روح جريحه وقلب باكي
فرحه تايهه ونبض شاكي
حتى طيفك راح وفاتني
خد معاه كل اللي كان
وصوره ساكته.....
__________________
بتسألني...
مين إنت وليه كل البكا والنوح
جريح الروح أنا إسمي جريح الروح
في دمي وقلبي وعروقي عذاب وجروح
لا قادر أشكي أيامي ولا حاقدر بسري أبوح
جريح الروح