من مواويل الضمه :
الرب موجود لكن الصبر اجيبه منين
والصبرشجره انقطع وأنا أجيب تقاوي منين
يا مين يدلني وأنا أرويها بدمع العين
ده اللي انكتب على الجبين لازم تشوفه العين
*******
أنا بمدح اللي مشى على الرمل وعلم
عاشق ومداح تلمني ليه يا خالي
خليك في حالك وخليني أنا في حالي
من يوم عشقت النبي وأنا المدح يحلالي
******
يا قلبي فاتوك رفقاتك بخاطرهم
روح طوف حول الحما وشوف ما خاطرهم
يمكن وصل لهم كلام غيٌربخاطرهم
دول طيبين الأصول وانا عارف معاليهم
وإن كان عزول بالفتن غير ماعليهم
يا قلبي خليك حنون ولا تقسي عليهم
وأعطف عليهم ولا تكسر بخاطرهم
*******
خطر حبيبي قصادي فى الطريق شفته انا
له جوز عيون سود ومن تحت العيون شفتانه ( شفايفه )
النهد بارز إن شافه العليل تم الشفا تاني
لابس ثياب بيض ومن تحت الثياب جنه
أسر فؤادي وخلاني فى خلاله جنه ( مجنون )
يا رب أنا أسألك يا خالق للعباد جنه
كل عاشق يتهني ولا يشوف اللي شفته انا
*******
منين أجيب خل صادق يكون عادل
حبيبي فيا ظلم بعد ما كان عادل
وصفت حالي لخصمي انا بحسبه عادل
اتاريه ناوي لي على غدرو عذاب
وناوي ع الشر وانا غارق من عذاب لعذاب
وصف لدائي دوا بدل النعيم دا عذاب
خلاني فى عذاب بدور مش لاقي عادل
*******
احبابنا اللي جفونا فضنا منهم
جم يطلبواالصلح ونسيوا اللي جري منهم
إن عدنا كما كنا وجابوا ناس تضمنهم
انا أجددالصلح ولكن أحترس منهم
*******
منين أجيب صبر يغنيني عن بعدك
ياللي هجرت الفراش والنوم من بعدك
خايف أقول أه يقولوا دا من بعدك
نادي منادي فى ظلام الليل
يا مبتلي بالغرام أصبر على وعدك
*******
بكا عليا زماني من قلبك القاسي
والدهر راخر عطف لما لقاك ناسي
ياما سقيتني بأيدك من العذاب كاسي
فين الليالي وفين وعودك
دا أنت حبيبي وعارف علتي وراسي
__________________
ترخي دلالك علينا ليه من بعد ماتبنا
تردنا للمعاصي من بعد ما شبنا
وحياة من له مساجد للصلاة تبني
تبنا عن جميع المعاصي إلا عن حبك لم تبنا