عيونك شايفة كمّْ الحب ف عيونى
و قلبك حس كمّْ هوايا و جنونى
و بين إيدك و بين إيدى يدوب مترين
و مش قادر على لمسك بقالى سنين
عذابى و سلوتى قربك
و صوتك عشق للودنين
و أمد إيديا و أتردد
و كل شجاعتى تتبدد
و أخاف من قسوة اللايمين
بيجمعنا المكان أحيان
و أشوف فى عنيكى كل حنان
و نظرة غيرة م التانيين
و ألف سؤال فى نظرتهم
عيونى بسرعة جاوبتهم
بنظرة شوق غلافها حنين
و موش ساكتين
مابين همسة و لوم لايم
و نظرتهم فراش حايم
و حتى الحيطة ليها عنين
و لا يهمك يا روح قلبى
و لا تدارى و لا تخبى
مادام أرواحنا متفاهمين
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس