كل أيامى و سنينى
اللى غلِّفهم حنينى
وردة نادية بين إيديَّا
طمنينى
جيت أقدمهم هدية
إوعى تانى تكسفينى
&&&
حاسَّة بيَّا
و المشاعر مستحيَّة
نظرة رايحة ... نظرة جاية
و العيون سارحانة فيكى
و الرسايل هيا هيا
طمنينى
و إقبلى سنينى هدية
&&&
مستحيل ...
صوتى مش واصل لقلبك
و الحنين ...
و الله ما جربته قبلك
&&&
بين عيونك جنتى
و السعادة ف دنيتى
ياللى قدرى إنك تكونى
نور طريقى و سكتى
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس