[عادل صموئيل]

اخى العزيز نقولا
انا بسعد جدا كل ما ادخل المنتدى وشاهد مجهودك بيزداد كل يوم وبالذات الاغانى زى ما قلت قبلا اللى انا ما اعرفهاش او ما سمعتهاش
لفت نظرى فى اغنية ويلى من عيونك السابقة على مشاركتى هذه انك قلت انك سجلتها من سهرة يعنى مش من مطربها الأصلى , وهنا وقفة احب انك تتعلمها منى
انا طبعا اختلف عنكم ان معظم الاغانى اللى بتداولها عزفا او كتابة عزفتها مع مطربيها الأصليين يعنى حافظها وحافظ ظروفها , وانت لو عزفت مع عبد الحليم حافظ او ام كلثوم مثلا , فيه شرط اساسى وخطير انك قبل ما تعزف معاهم بفترة طويلة انك تكون حافظ كل اغانيهم بطريقتهم عشان لو ام كلثوم مثلا قالت لك سمعنى حاجات تكون بتعزفها زى ما هى بتقولها لأنك لو عزفتها بإسلوب تانى مش ممكن تدخلك فرقتها , لأنك ممكن تفسد عزف الفرقة كلها لأنهم كلهم بيعزفوا بأسلوب وانت حاتعزف شىء تانى . من هذه المعلومة نفهم ان المطرب بيغنى الاغنية بتاعته بأسلوب معين
اولا فى الأستوديو وممكن فى الحفلات بيغير حوالى 10% لذلك انا لما احب اكتب اغنية لأى حد غير ام كلثوم ارجع لتسجيل الاستوديو , لكن عمرى ما اكتب اغنية ما اعرفهاش من تسجيل لنفس الاغنية لمطرب تانى لأنه ممكن بيعمل تغييرات قد تفسد اللحن او يعمل تغييرات جوهرية تغير الخطوط اللحنية ودى بتحصل كتير وانا فى الحالة دى لما اكتب النوتة بتبقى وثيقة تاريخية محسوبة على بصفتى واحد من اللى بيعتبروهم من المدونين المهمين فى العالم العربى , يعنى اخلاصة لو اى شخص قرأ النوتة مش حايعرف انى سمعتها بصوت وطريقة مطرب آخر ... لو اللى قرأ الاغنية كان حافظها بطريقتها الاصلية وانا كاتبها متغية أو مختلفة حا يبقى انا مدون مش كويس
يعنى انصحك دائما أجل تلبية الطلبات الى ان تسمع اللحن الاصلى بصوت صاحبه الاصلى وانا انصحك بزيارة منتدى موالى فيه اغانى كتير ممكن تراجع منها
مع اطيب تحياتى