[باندس]

قصيده للشاعرسعد بورجعه مااعجبنى فى هذا القصيده تذكره نياح وبكاء امه على موت اخيها فى حادث سير وتمر السنين وهى تنوح وتبكى على اخيها ويصف امه فى نياحها ومد رجلها بجانب النار . فى البيت التالــى

(( اشوي عليهم قولت يوه .. اونق قطــار.. اومدت لكراع احذاء النـــار))

القصيده

تقول إلا ما خليت دار .. وفرقه صار .. امفيت عليكن يا سمار

اتقول الا ماصار حداد .. علي وداد اولا طاحت كمين بلاد ..

اوماطاحت حتى بغداد اوهم حضار اصحاب الجلاله لميـــار ..

مشت لا سايل لانشاد ايقول ايش صار بعد يوم اطرى فى المطار.

اتقول الا صار الا هــو.. خطاء داروه.. عزاء فيه اموارات اوجوه

اشوي عليهم قولت يوه .. اونق قطــار.. اومدت لكراع احذاء النـــار .

اتقول الا ماصار قناق.. امفيت فراق.. حزام اللى لاجت ترشاق ثمل خله الدنيا دقداق.. اخسر فى بار مصيره قطاية سكار

اتقول الا ماصار غريب.. اولا تعذيب.. ضنانا فى خلوة بوغريب

اوشوخة عباد الصليب.. على جسار.. احفاد اليرموك اوذى قــار

اتقول الا ماصار حداد.. علي وداد ..اولا طاحت كمين بلاد

مرادى مول الدور انضــاد ايميح اكداس يانالــى من ناره منهاس

زماقه وسطورك حواس .. بلاك خلاص .. الدنيا لى نيسه لى نــاس

تحياتى

باندس