عرض مشاركة واحدة
  #9  
قديم 25/06/2010, 17h26
الصورة الرمزية بلخياطي
بلخياطي بلخياطي غير متصل  
مواطن من سماعي
رقم العضوية:440633
 
تاريخ التسجيل: June 2009
الجنسية: جزائرية
الإقامة: ولاية الشلف
العمر: 40
المشاركات: 666
افتراضي رد: قصيدة الوقتية للشيخ عمر المقراني

امعنق مارتو كالرومي = يتمشى بيها قدامي
الصفة صفة آدامي = والمعقول كيدار
هي تضحكله وتسامي = تكمي في السيقار
كي يدخلو للبيفيطا = تعجبهم هذيك الحطة
ذاك اليوم نهار الخبطة = وكياتر ووتار
اتقله ذيك المخبوطة = نشربو ريكار
ما تسمع غير الرومية = يهدرو بيها عنفية
للكونتوار تتقدم هي = تكوموندي دو فار
يا قرسون اصنت ليا = سارفي نو آفوار
وتقله حبيت ندانسي = ونطلع نشواة لراسي
وانتايا ريح في الكرسي = صفق يا بوزار
تنوض الصفقة والرقصي = ويصير لي صار
ساعات ينوض يعاونها = يهرول دحمان معاها
اتقله راك تسلكها = في حفلات كبار
تشكره وتصد بجيهة = تغمز للحضار
كي يخرج بيها دلالي = يحسب روحه زين الخالي
راسه كالمهراز قبالي = شعره كالنقار
والشارب مقبوع مدلي = والنيبان كبار
واك الجايح غي من تالي = يتفخر ويقول بمالي
تعطيلو من الشرب الغالي = ويذوق العقار
وتخليه كالجبح الخالي = راقد في لسوار
يا لي ما تقراش استفتا = من عند الطلبة ومفاتا
يورولك فرايض شتى = العلما لبرار
سول على دينك حتى = لا تبقى مضرار
ذاك لي عمرو ما صلى = ما صد بوجهو للقبلة
ما يخشع من الله تعلى = ما يندمش نهار
يصيب الكوشة محلولة = في هذيك الدار
نوريك الجايح عقليتو = ما يبغيش يزوج بنتو
والف تعطيلو شهريتو = وتخدم عبد النار
يزعف ايذا كنت خطبتو = والطايق نقار
ويذا كان اعطاك الجايح = واقليلا منو تستربح
ذاك اليوم انتايا تشطح = في وقت التقسار
تخليها تقرا وتريح = كي يجوها لينار
بنتو ما تبغيش الراجل = يسجنها في دارو باطل
تبغي في الكبار تسطل = تلعب البيار
ساعفها تبغي تتزعبل = اذا كنت خيار
تخرج في العشوة تتعشق = في ذيك المشية تتمرفق
يا خويا تعرف تترقق = تمشي بالتعبار
وتخليه في الدار يسيق = ينفض في الغبار
نصف الليل تجيه تطبطب = وتصيبه مسكين مشغب
تضربه بالاك تكذب = ذاك اليوم كحار
تشده تضرب وتقلب = ياخذ بالقنطار
من نظم كلامي صاوب = للشريعة ما يتعاقب
عمار بن مقران مأدب = مياز وعبار
من نسبة مولايا الطيب = من الشرفة لحرار
بحرمة جلول الوالي = عبد القادر الجيلاني
بوبكر وعثمان وعلي = والسيد عمار
يا رب الجليل اغفر لي = أنا والحضار


__________________

رد مع اقتباس